Éxodo 3:10 - Biblia Enxet

¹⁰ Exeg sa' kaxwo', wáphaksek sa' ko'o exchep emhagkok ma'a aphakxa nak faraón yaqwayam elántekkesek Egipto m'a énxet'ák ahagkok, cham'a israelitas.

Éxodo 3:10 Referans Kwoze

Miqueas 6:4

Élántekkesegkek axta ko'o kéxegke m'a Egipto, sélmallahanchessama m'a ektémakxa axta kélteme kélásenneykha naqsa. Eyáphássessegkek axta ko'o yaqwayam enaqlawha m'a Moisés, Aarón, tén han María.

Salmos 105:26

Keñe axta Dios apcháphassama apkeláneykha Moisés, tén han Aarón, cham'a ektáha axta apkelyéseykha,

1 Samuel 12:6

Axta aptáhak han Samuel apkeláneya m'a énxet'ák: —Wesse' egegkok axta han apkelane aqsok apchásenneykekxo m'a Moisés tén han Aarón, apkelántekkessama Egipto m'a kélyapmeyk nanók axta kéxegke.

Salmos 77:20

Máxa nepkések axta apteméssessók apnaqleykencha'a énxet'ák apagkok, apchásenneykekxo axta m'a Moisés, tén han Aarón.

Oseas 12:13

Apkelántekkessegkek axta Wesse' egegkok énxet'ák Israel ma'a Egipto, eñama m'a aplegasso nak appeywa; ¡xama aplegasso appeywa axta keñamak apkeláneykencha'a!

Génesis 15:13

Tén axta Wesse' egegkok aptáha apcháneya s'e: —Kéméxcheyk ey'asagkohok xép peya exmakha aptawán'ák neptámen ma'a megkatnahakxa nak apchókxa, sa' etnahagkok kélásenneykha naqsa m'a, cuatrocientos apyeyam sa' kammok kélnaqtawáseykegkoho.

Génesis 15:14

Allegássesagkohok sa' eyke ko'óxa m'a énxet'ák peya nak etnehek apkelásenneykha naqsa, keñe sa' kólchexeykxak ma'a aptawán'ák neptámen nak, elántépok sa' yetlo ekxámokma aqsok apagkok.

Éxodo 6:26

Cháxa apkelpaqhetchessama axta nahan Wesse' egegkok apkeltémo elántekkesek israelitas Egipto xa Aarón nak tén han ma'a Moisés, apteméssessama axta m'a aptémól'a sẽlpextétamo ey'ammok ma'a kempakhakma.

Éxodo 12:40

Cuatrocientos treinta apyeyam axta apweykmok apheykha israelitas ma'a Egipto.

Éxodo 12:41

Cháxa ekhem nak, apwokmo axta cuatrocientos treinta apyeyam, apkelántekkek axta apyókxoho Wesse' egegkok sẽlpextétamo apagkok ma'a apkelókxa nak.

Éxodo 33:12

Aptáhak axta Moisés apcháneya Wesse' egegkok se'e: —Wesse', apkeltamhók ko'o exchep anaqlawha s'e énxet'ák nak, makke héltennásak yaqsa yáphaksek hétlók ko'o. Exénchek nahan ko'o exchep ekyetna ekwányam agko' seyáyo tén han ekleklamo apwáxok.

Éxodo 33:13

Naqsók sa' agkok xa, héltennés sa' yaqsa apmako elána', yaqwayam sa' atnehek chá'a ko'o seyáyo exchep tén han elenxanmagkohok chá'a apteme ekleklamo ko'o apwáxok. Kaxén apwáxok se'e énxet'ák nak apteme xeyep énxet'ák apagkok.

1 Samuel 12:8

Xama axta apmaheykegko Jacob yetlo aptawán'ák neptámen ma'a Egipto, apnaqtawáseykegkok axta m'a egipcios, keñe m'a kélyapmeyk nanók axta kéxegke, apkelwóneykencha'a apkeltémo epasmok ma'a Wesse' egegkok, keñe axta apcháphássessama m'a Moisés tén han Aarón, cháxa apkelántekkessama axta kélyapmeyk nanók kéxegke m'a Egipto, apkelhésseya s'e yókxexma nak.

Jueces 6:14

Apkelanawók axta Wesse' egegkok, keñe aptáha apcháneya s'e: —Emha sa' xa apyennaqte nak, yaqwayam ey'ammok elwagkasek teyp ma'a israelitas, neyseksa apkelma m'a madianitas. Ko'o sektáha seyáphasso exchep.