Éxodo 29:46 - Biblia Enxet

⁴⁶ Tén sa' elya'ásegwók ko'o sektáha Dios Wesse' apagkok, ektáha axta sélántekkesso m'a Egipto yaqwayam axek chá'a nepyeseksa. Ko'o sekteme Dios Wesse' apagkok.

Éxodo 29:46 Referans Kwoze

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Ezequiel 20:5

Etne sa' elának se'e: ‘Keso aptáhakxa exchek appeywa Wesse' egegkok se'e: éláneyak axta ko'o ekhémo mók sélpaqhetchásamáxkoho aptawán'ák neptámen, sélyéseykencha'a axta ko'o m'a Israel; ekxekmowásamáxkók axta nahan ma'a kañe' Egipto. Axta ektemék sélanagkama sekméssama naqsók sekpeywa s'e: Ko'o sekteme Dios Wesse' kélagkok.

Levítico 19:2

“Etne sa' elának israelitas se'e: “Kólteméssesaxche sa' kéxegke kélpagkanamaxche', hakte ko'o Dios Wesse' kélagkok, sekteme sekpagkanamaxche'.

Levítico 18:30

Kóllána séltémókxa nak chá'a kóltéhek, nágkóllána m'a aqsok ekmaso, élánamáxko axta amonye' kélwayam kéxegke, nágkólenyetsés kélyempe'ék kóllának xa. Ko'o sekteme Dios Wesse' kélagkok.”

Levítico 11:44

hakte ko'o sekteme Dios Wesse' kélagkok. Kéméxcheyk kéxegke kóláxñásekxohok kéltémakxa, tén han kólteméssesaxchek kélpagkanamaxche', hakte ko'o sekteme sekpagkanamaxche'. Nágkólteméssesaxche élmanyása kélyempe'ék kóltók xama enxoho m'a aqsok élpexyaweykegkoho nak náxop kalxog.

Éxodo 25:8

Héllanés sa' nahan xama kélpakxanma appagkanamap yaqwayam enxoho axek chá'a ko'o kélnepyeseksa kéxegke.

Levítico 26:11

“Axek sa' chá'a ko'o kélnepyeseksa kéxegke, makxayhek sa' chá'a;

Salmos 114:2

aptemegkek axta Wesse' egegkok apkelyéseykha m'a énxet'ák Judá; keñe axta aptéma apagkok ma'a Israel.

Hageo 2:5

Apheyk kélnepyeseksa kéxegke espíritu ahagkok, ekhawo séltennassama axta kéxegke kélánteyapma axta Egipto. Nágkóle'.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Levítico 26:12

aweynchamha sa' chá'a ko'o kélnepyeseksa kéxegke, Dios kélagkok sa' atnehek, keñe sa' ko'o kéxegke atnehek énxet'ák ahagkok.

Números 16:3

Apyókxoho axta apchaqnákxak xa, apkenmexa m'a Moisés tén han Aarón. Aptáhak axta apkeláneya s'e: —¡Wánxa kólteme kéltémo kóltéhek ekha kéláyo! Apyókxoho énxet'ák apteme apkelpagkanchásamap ma'a Dios, aphegkek han negyeseksa negko'o negyókxoho m'a Wesse' egegkok. ¿Yaqsa ektéma kéxegke kéltéma nak kélámha kélmonye'e ekyawe kéláyo nepyeseksa m'a Wesse' egegkok énxet'ák apagkok?

1 Samuel 10:18

aptáhak axta apkeláneya s'e: —Aptáhak Wesse' egegkok se'e, Dios apagkok nak Israel: ‘Ko'o axta sélántekkesso kéxegke Egipto énxet'ák Israel, keñe han sélwagkassama teyp apkelmoma axta m'a egipcios, tén han ma'a apyókxoho énxet'ák ektáha axta apnaqtawáseykegkoho kéxegke.’

2 Crónicas 6:18

“Wánxa agkok, ¿naqsóya apmopwána exek Dios náxop nepyeseksa énxet'ák? Mopwanchek exhok ekwánxa nak ekyawe néten, ¡ekyágwánxa agkok mexók se'e tegma appagkanamap sélánésso nak xép!

Jeremías 14:9

¿Yaqsa ektéma aptéma m'a aptémól'a énxet mey'áseyak la'a aqsok, aptémól'a m'a kempakhakma yáp megkamopwána nak hempasmok? Wesse', apheyk eyke exchep negyeseksa, apyókxoho énxet apya'ásegkók nentáha negko'o xép énxet'ák apagkok; ¡ná hegkexa aqsa negko'o!

Ezequiel 34:24

Keñe sa' ko'o, sektáha nak Wesse', etnehek Dios apagkok, keñe sa' ma'a séláneykha David etnehek apkemha apmonye' apagkok. Ekxénchek ko'o xa, sektáha nak Wesse'.