Éxodo 29:43 - Biblia Enxet

⁴³ Sa' nahan chá'a ko'o héteyágwakxak israelitas ma'a, ekpagkanamaxche sa' katnehek nahaqtók ko'o m'a sekhakxa nak kañe'.

Éxodo 29:43 Referans Kwoze

1 Reyes 8:11

mopwanchek axta peya elanagkok apkeltamheykha apkelmaxnéssesso Dios énxet'ák apagkok, eñama m'a yaphope, hakte lanawók axta Wesse' egegkok apcheymákpoho m'a tegma appagkanamap nak.

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Ezequiel 43:5

Émpásekxeyk axta néten ma'a Dios apmopwána, éntamákxeyk axta m'a étkok apwáxok nak tegma, ekwet'ak axta Wesse' egegkok élseyéxma apagkok eklanawo m'a kañe' tegma appagkanamap.

2 Crónicas 5:14

mopwanchek axta apmako ellenxanmagkohok apkeláneyak apkeltamheykha apkelmaxnéssesso Dios énxet'ák apagkok ma'a, hakte yaphope axta tawassáseyha, hakte lanawók agko' axta Wesse' egegkok élseyéxma apagkok ma'a kañe' tegma appagkanamap nak.

Éxodo 40:34

cháhapwa'ak axta yaphope m'a kélpakxanma apchaqneykekxexa nak chá'a énxet'ák, lanawók axta Wesse' egegkok élseyéxma apagkok ma'a kañe' kélpakxanma appagkanamap.

Isaías 60:1

Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Éxodo 25:22

Sa' ótak chá'a exchep ma'a, néten nak ma'a átog, nepyeseksa nak ma'a apqánet kéleykmássesso sélásenneykha ekha apxempenák, cham'a apheykha nak ma'a néten yántéseksek ekhémo mók nélpaqhetchásamáxkoho ahagkok nak, altennaksek sa' chá'a m'a ekyókxoho séltamhókxa enxoho chá'a etnahagkok ma'a israelitas.

Éxodo 29:42

Cháxa yaqwayam sa' chá'a elsakxak sekhakxa nak ko'o apyapmeyk tén han aptawán'ák xa aqsok sélmésso naqsa nak ekwatnamáxche eñama ko'o, cham'a átog nentaxnamakxa nak kélpakxanma apchaqneykekxexa nak chá'a énxet'ák, cham'a yaqwánxa sa' chá'a ko'o ótak xeyep yaqwayam apaqhetchesek.

Éxodo 29:44

Apagkanek sa' nahan ko'o m'a kélpakxanma apchaqneykekxexa nak chá'a énxet'ák, tén han ma'a ekwatnamáxchexa nak chá'a aqsok, apagkanek sa' nahan ma'a Aarón tén han apketchek yaqwayam etnahagkok apkelmaxnéssesso énxet'ák ahagkok.

Levítico 9:4

tén han xama weyke kennawo', tén han nepkések apkennawo', yaqwayam enxoho kólnápok nápaqto' Wesse' egegkok, kólteméssesek aqsok ektekyawa segwetassamo nak nélásekhamaxchekxoho. Yána sa' han elsógmak ma'a aqsok aktek kélyelaqtésso nak kélenchehe pexmok égmenek, hakte exekmósakpohok sa' kéxegke Wesse' egegkok se'e sakhem nak.”

Éxodo 40:35

Mopwanchek axta apmako etxek Moisés ma'a kañe' kélpakxanma apchaqneykekxexa nak chá'a énxet'ák, hakte yetna'ak axta yaphope m'a néten nak tén han eklanawo Wesse' egegkok élseyéxma apagkok ma'a kañe' kélpakxanma appagkanamap.

Levítico 9:6

Keñe axta Moisés aptáha s'e: “Cháxa apkeltamho nak kalanaxchek Wesse' egegkok se'e. Kóllána sa', exekmósakpohok sa' kéxegke Wesse' egegkok yetlo ekwányam agko' apkelyenma.”

2 Crónicas 5:13

Apyókxoho axta han appasmeykxak apkelpáwasa m'a apkelaqkahasso, appasmeykxeyk axta apkelmeneykmasa yaqwayam elpeykeshok Wesse' egegkok, tén han egkések ekxeyenma apkelwáxok, apkelpáwassek axta apkelaqkahasso, tén han ma'a apkelaqtáwasso nak élyaqye, tén han ma'a mók ektémakxa nak kélpáwasso, neyseksa apteme apkelmeneykmasso s'e: “Kólpeykesho Wesse' egegkok, hakte tásek apwáxok ma'a, megkamassegwomek han segásekhayo.” Yetlókok axta han eklánegwe yaphope m'a Wesse' egegkok tegma appagkanamap apagkok nak,