Éxodo 28:33 - Biblia Enxet

³³ Enegkenák sa' nahan yántakyexna kéleykmássesso apáwa apyápaqmate, hómáyok, apyexwase, élpaxqamáxche élyetnaheykha étkók sawo ekyátekto ekmomnáwa m'a ekyókxoho nápakhaw'ék ma'a apáwa apwenaqte.

Éxodo 28:33 Referans Kwoze

Zacarías 14:20

Cháxa ekhem nak, kawomhok sa' élqahásamaxche yátnáxeg élyetnaheykha apagkok se'e ektéma nak: “Kélpagkanchesso Wesse' egegkok”. Keñe sa' ma'a weygke apagkok nak ma'a tegma appagkanamap etnehek apkelpagkanamap apagko', ekhawo nahan ma'a egheykok élyawe ekheykegko nak chá'a m'a amonye' nak ekwatnamáxchexa aqsok.

2 Reyes 25:17

Ketsék axta han yeykhágweykmohok chá'a ocho metros ekmahéyak néten ma'a xama nak meteymog élámha, sawo ekyexwase axta han ma'a étseksa'ák nak, ánet metros axta han ekmahéyak néten, wakheykekxeyk axta han nekhaw'ék ma'a sawo ekyexwase ekho axta yám'én aqta'ák, kélnáxegkáseykha axta han chá'a ekho yánta ekyexna. Hawók axta mók xa ánet nak meteymog élámha.

1 Reyes 7:18

Apkelanak axta han chá'a ánet éléweykekxa yánta ekyexna kéleykmássesso nekhaw'ék ma'a xama sawo élyagqáxeykha, yaqwayam enxoho elyepetchesek chá'a m'a apqatkok nak élámha. Hawók axta han apteméssesakxa m'a mók nak apqatkok.

Éxodo 28:32

yetlo apyagqaxe nepyeseksa nétchessamakxa empátek. Eyaqsásekxa sa' nahan elanaksek egyespok ma'a nekhaw'ék nak apyagqaxe, aptémól'a egyespok ma'a kéltaxno kéllanel'a aqsok émpehek, yaqwayam enxoho melyeptakpehe'.

Éxodo 28:34

Xama élyetnaheykha étkok sawo ekyátekto ekmomnáwa sa' chá'a sekxo', tén sa' chá'a xama yántakyexna, tén sa' mók élyetnaheykha étkok makham, tén sa' makham mók yántakyexna, sa' etnéssesek apnegkenéyak apyókxoho nápakhaw'ék nak apáwa apwenaqte xa.

Salmos 133:2

Kaxhok ma'a sokmátsa élpexyaweykentámhol'a apqátek ma'a apkelmaxnéssesso Dios énxet'ák apagkok, ekweyktámho áwa' apátog, tén han ma'a aptaxno apyespok nak.