Éxodo 25:20 - Biblia Enxet

²⁰ Epayhohok sa' nahan pók, keñe sa' nápaqta'a kalpayhohok ma'a néten átog nak, tén sa' ma'a apxempenák nak kalpayhek ma'a néten átog nak eláhakkasek.

Éxodo 25:20 Referans Kwoze

1 Crónicas 28:18

Apkelméssek axta han sawo élyátekto élmomnáwa éltaqmalma yaqwayam kalanaxchek ma'a ekwatnamáxchexa nak aqsok ekmátsa ekpaqneyam éten agkok, apkelméssek axta han sawo élyátekto élmomnáwa yaqwayam kalanaxchek kélyenyawáseykha ekha nak amagkok, yaqwayam kólánchesha néten ma'a Dios apkelásenneykha ekha nak apxempenák, yaqwayam enxoho eláhakkasek apxempenák ma'a yántéseksek ekhémo mók nélpaqhetchásamáxkoho apagkok nak Wesse' egegkok.

1 Reyes 8:7

apkelpeykessamakxa axta apxempenák néten ekyetnamakxa yántéseksek, apkeláhakkassegkek axta apxempenák ma'a yántéseksek, tén han ma'a yámet kélatchesso nak nekhaw'ék.

Ezequiel 28:14

Ekméssegkek axta yaqwayam etaqmelchesek ma'a xama apho nak énxet ekha apxempenák, aphama axta chá'a m'a néten egkexe ekpagkanamaxchexa apagkok nak ma'a Dios, apweynchámeykencha'a axta chá'a m'a nepyeseksa yaw'a.

Ezequiel 1:20

Elmahagkok axta chá'a éltamhókxa enxoho chá'a elmahagkok Dios apmopwána m'a apho nak énxet, kalchampohok axta chá'a xamók ma'a ekho nak yátnáxeg apyenyawasso amagkok, hakte axta ekteme ekpasmeykekxa apyókxa apho nak énxet xa ekho nak yátnáxeg apyenyawasso amagkok.

2 Crónicas 3:10

Apkeltamhók axta kóleykmássesha apqánet Dios apkelásenneykha ekha apxempenák ma'a Kañe' Ekpagkanamaxchexa agko' nak, sawo ekyátekto ekmomnáwa axta han kélyepetchásak ma'a.

Éxodo 25:18

ekyetlómo apqánet sélásenneykha ekha apxempenák kéleykmássesso sawo ekyátekto ekmomnáwa, kéltekpagéyak la'a kéllane m'a sawo ekyentaxno, cham'a ánet nekhaw'ék nak chá'a átog.

Génesis 28:12

Cha'a ekwanmésakxa axta han apwet'a xama kélchántéyak néten eyeynamo m'a náxop nak, ekweykekxoho néten, apkelyetlánteyk axta chá'a apkelchexyekmo m'a Dios apkelásenneykha, apkeltaqháwok axta han chá'a.

Éxodo 25:19

Xama sa' eyke katnekxak ma'a átog nak ekyepetcheykekxa m'a kéleykmássesso nak sélásenneykha ekha apxempenák. Xama sa' etnamha m'a mók nekha nak átog, tén sa' nahan xama m'a mók nekha nak.

1 Reyes 6:27

Apnegkenwokmek axta Salomón ma'a kañe' Ekpagkanamaxchexa agko' nak. Apkelpeykessegkek axta han apxempenák xa apho nak énxet ekha apxempenák, yepetchegweykmók axta chá'a apxempenek xama m'a nápakha tegma, keñe axta pók apxempenek ekyepetchegweykmoho m'a pók nápakha tegma nak, keñe axta m'a mók apxempenák nak apyepetcháseykekxo chá'a mók ma'a neyseksa nak Ekpagkanamaxchexa agko'.

1 Reyes 6:23

Apkelanak axta han apqánet apho énxet ekha apxempenák ma'a yámet olivo, yaqwayam enegkenek ma'a Ekpagkanamaxchexa agko' nak. Cuatro metros y medio axta han chá'a xama apwenaqte m'a,