Éxodo 25:2 - Biblia Enxet

² “Eltennasák sa' israelitas, heyánchessesha sa' ko'o aqsok apmésso naqsa apagkok. Sa' eyke yánchásekxak aqsa nepyeseksa m'a apyókxoho apmáheyo apagko' nak chá'a egkések, tén han ma'a ekmáheyo agko' nak chá'a apwáxok.

Éxodo 25:2 Referans Kwoze

Esdras 2:68

Yetneyk axta han pók xama chá'a apkelámha apmonye'e nak aphawóxama, apkelmésso chá'a aqsok apkelmésso naqsa yaqwayam kólxátekhásekxak makham Dios tegma appagkanamap apagkok ma'a nanók apyetnamakxa axta, cham'a sekxók apkelwákxo axta m'a Jerusalén, Wesse' egegkok nak tegma appagkanamap apagkok.

Nehemías 11:2

Tén axta énxet'ák apkeltamho kataqmelhok chá'a apheykha apyókxoho, apmáheyo apagko' nak chá'a elhók ma'a Jerusalén.

Esdras 7:16

tén han ma'a ekyókxoho sawo ekmope élmomnáwa, tén han sawo ekyátekto élmomnáwa, ekwánxa enxoho apcháncheseykekxa s'e ekyókxoho yókxexma nak Babilonia, tén han ma'a apkelmésso naqsa nak chá'a m'a énxet'ák, tén han ekxeyenma agko' nak chá'a apkelwáxok elmések Dios tegma appagkanamap apagkok ma'a apkelmaxnéssesso Dios énxet'ák apagkok, apyetnama nak ma'a Jerusalén.

Esdras 1:6

Appasmeyk axta chá'a m'a apyókxoho apheykha nak chá'a ketók apxanák, apkelméságko chá'a m'a sawo' élmope élmomnáwa, tén han sawo' élyátekto élmomnáwa, tén han ma'a aqsok apagkok ekyetnakxa enxoho, tén han apnaqtósso, tén han ma'a aqsok élmomnáwa nak, tén han ma'a ekyókxoho mók ektémakxa nak chá'a aqsok apkelmésso naqsa, ekxeyenma agko' nak chá'a apkelwáxok elmések.

Esdras 3:5

Apkelánegkek axta han ma'a kélnaqtósso élwatnamáxche nak chá'a yókxoho ekhem, tén han ma'a pelten aphaxnagkok nak, ekxegexma nak chá'a m'a kélessawássessamo ekpagkanamaxche apagkok nak Wesse' egegkok, tén han ma'a énxet apmáheyo apagko' nak chá'a egkések ma'a Wesse' egegkok.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Jueces 5:9

“¡Ekméssek ko'o ekxeyenma ewáxok ma'a apkelámha apmonye'e apancha'awo nak ma'a Israel, tén han ma'a sekhawóxama nak, ektáha axta apkelyeheykekxoho kéláneyeykha, yaqwayam yempakha'! ¡Kóltemésses sa' kélyókxoho apcheymákpoho Wesse' egegkok!

Números 18:24

Élméssek eyke ko'o yaqwayam etnehek apagkok ma'a ekwayam nak chá'a diez ekyókxoho aqsok apagkok, eyeyméxko nak chá'a ko'o hélmések ma'a israelitas. Cháxa keñamak séltennasa nak ko'o megkaxek xapop apagkok apagko' ma'a kañe' Israel.”

Éxodo 25:1

Appaqhetchessek axta Wesse' egegkok Moisés. Aptáhak axta apcháneya s'e:

Éxodo 25:3

Keso aqsok yaqwayam nak kólánchesha s'e: sawo ekyátekto ekmomnáwa, sawo ekmope ekmomnáwa, tén han ma'a sawo ekyexwase élyenma agko' nak,