Éxodo 24:10 - Biblia Enxet

¹⁰ Apkelwetágwokmek axta nahan Israel Dios apagkok ma'a: kelyenmawók axta nahan aqsok ekyetno axta m'a kóneg apmagkok, máxa axta m'a kañe' tegma meteymog élyápaqmatél'a, keláxña'awók axta nahan, máxa axta m'a ektémól'a m'a néten eyáxñeyo.

Éxodo 24:10 Referans Kwoze

Ezequiel 10:1

Tén axta natámen sekwet'a ektepa xama aqsok ekho taháno ekyawe ektaqmalma m'a néten ekyetno axta ekyaqye apyetseksa'ák ma'a apho axta énxet ekha apxempenák, hawók axta m'a meteymog ekyápaqmatél'a.

Éxodo 33:23

Keñe sa' ayenyekxak makham, étak sa' éyapok; métyehek sa' eyke m'a nahát.

Éxodo 33:20

Mopwanchek sa' eyke étak ma'a nahát, hakte méko xama énxet apwanchek hétak ko'o, yetsapok ma'a sét'a enxoho.

Génesis 32:30

Penuel axta aptemessásak ekwesey Jacob xa yókxexma nak, hakte axta aptáhak se'e: “Ekwet'ak ko'o Dios ahaqta'ák ahagko', makke watsapak.”

Cantares 6:10

¿Yaqsa élteyányeyncha'a nak, ekho nak ekhem éltátchessól'a axto'o? Tásók agko', máxa m'a pelten aptaqmalmal'a, máxa m'a ekhem éltátchesso ektaqmalmal'a ¡ekteyeykmohol'a egwáxok agweta' aptémól'a elxog ma'a sẽlpextétamo!

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Éxodo 24:11

Maxta nahan etnéssessekmohóxma Dios ma'a énxet'ák apkelámha apmonye'e nak Israel ektáha axta apkelwete. Aptókagkek axta, apyenágkek axta nahan ma'a apyenéyak nak.

Números 12:8

alpaqhetchesaxkohok nahan chá'a ko'o yetlo sekwete m'a, apékesseshok nahan chá'a sekpaqhetchesso. Héthok nahan chá'a ko'óxa m'a. ¿Yaqsa ektéma megkóláya nak chá'a kéxegke kélxéneykencha'a ekmaso m'a?”

Cantares 5:14

Sawo ekyátekto élmomnáwa nahan ma'a apkelatchesso nak naxta'a apmék élpaxqamáxche nak ektáxama m'a meteymog élyátekto. Hawók nahan ekmope apyókxa m'a yánnapóxeg apma'ák kéláxñáseykekxal'a kélpáxaqteyáseyak la'a ektáxama m'a meteymog élyápaqmate ektáxama.

Lamentaciones 4:7

Kelmópowok axta apyempe'ék ma'a énxet'ák agkok, axta kaxnawok ma'a ekweykenxal'a ekmope yeyam appok, kelmópowok axta, axta kaxnawok ma'a ektémól'a weyke nagkeygmenek; yáma élyexwase axta m'a apkelyókxa', axta kaxnawok ma'a meteymog ekyexwasel'a; keltásek axta apkelyókxa', hawók axta m'a meteymog ekyápaqmatél'a.

Ezequiel 1:1

Ekheyk axta ko'o xama ekhem neyáwa wátsam Quebar, cham'a Babilonia, ko'o sektáha nak sélmaxnéssesso Dios énxet'ák apagkok Ezequiel, Buzí apketche, nepyeseksa m'a énxet'ák ektáha axta kélántekkesso kélnaqleykenta m'a. Mayhékxeyk axta néten, ekwet'ak axta Dios eñama aqsok sélxekmósso. Ekhem cinco axta m'a, ektáhakxa axta cuatro pelten, ekwokmo axta treinta apyeyam, ekweykmo axta cinco apyeyam kélyentameykekxa megkatnahakxa apchókxa m'a wesse' apwányam Joaquín. Appekkenchek axta apmek tekhéxet ma'a Wesse' egegkok.

Daniel 10:17

¡Mowanchek ko'o apaqhetchesek xép, ko'o sektáha nak apkeláneykha, méko agko' ko'o kaxwók sekyennaqte, massék han ekmako kaxek sénnama!’

Génesis 32:31

Tekkek axta ekhem apxega Jacob apkeñama m'a Penuel; apyaqteyágkek axta eyke apxega eñama ekleyamaxche awhak apyók.

2 Crónicas 6:17

Wesse' egegkok, Dios nak Israel, yána sa' katyapok ekyókxoho m'a apkeltennassama axta m'a táta axta ko'o David, apteme axta apkeláneykha.