Éxodo 21:26 - Biblia Enxet

²⁶ Aptekpagkassek sa' agkok apaqtek xama apchásenneykha apkenna essenhan kelwána xama énxet, apyáwek sa' agkok aptemessásak, kéméxcheyk eyenyekxa aqsa ekyaqmageykekxa m'a apaqtek nak.

Éxodo 21:26 Referans Kwoze

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

Salmos 9:12

Kaxénhok chá'a apwáxok Dios ma'a ekyentaxnamo nak apheykha, megkalwagqámhek ma'a ektémakxa nak apkellekxagweykha; ellegássesagkohok chá'a m'a apkelyennaqteyáseykha nak chá'a apyempe'ék apnaqtawáseykegkoho.

Nehemías 5:5

“Nempeywomo xamo' egmók negko'o, nélókxa xamo' han, hawók han mók egketchek. Kélásenneykha naqsa eyke chá'a negko'o agának kólteméssesek ma'a egketchek apkelennay'a tén han kelwán'ák nak. Tamheykegkek eyke chá'a kélásenneykha naqsa nekha m'a egketchek, mogwanchek agmágwakxa', hakte pók énxet kaxwók aptamheykegkok apagkok ma'a anmen yámet negkeneykekxexa', tén han ma'a xapop egagkok nak.”

Deuteronomio 16:19

Nágkólyetnakhássem chá'a m'a ekpéwomo nak kéllánekxésso amya'a kélnámakkok, nágkóltemésses chá'a apyeykhamap pók kóllanok énxet nepyeseksa m'a pók énxet'ák nak, nágkólma chá'a kólxawak selyaqye kóláneyxchek megkólxének aqsok kélwete, hakte máxa meyke apaqta'ák chá'a katnésseshok énxet'ák apkelya'áseykegkoho nak chá'a aqsok ma'a apma nak chá'a exkak selyaqye yaqwayam mexének ma'a aqsok apwete, katwássesha nahan chá'a apkelpeywa m'a énxet'ák apkelpéwomo nak.

Éxodo 21:20

“Yetneyk agkok nahan xama énxet aptekpageykha yámet ma'a apchásenneykha naqsa apkenna nak essenhan ma'a kelwána nak, keñe apchaqha enxoho, kéméxcheyk kóllegássesagkoho'.

Éxodo 21:25

apwatneyk sa' agkok nahan ma'a, kólwatnek sa' nahan ma'a, apyensássek sa' agkok nahan ma'a, kólyensaksek sa' nahan ma'a, aptekpagáha sa' agkok nahan ma'a, kóltekpogmakha sa' nahan ma'a.

Éxodo 21:27

Apkentássessek agkok nahan xama apma'ák, kéméxcheyk nahan egkések yaqwayam etyapok ekyaqmageykekxa m'a apma'ák nak.

Éxodo 21:24

Aplekkessek sa' agkok nahan aqtek, kóllekkesek sa' nahan apaqtek, apkelekkexchessek sa' agkok nahan am'ák, kólekkexchesek sa' nahan apma'ák, apyaqténchessek sa' agkok nahan aktog, kólyaqténchesek sa' nahan apaktog, apyaqténchessek sa' agkok nahan amnek, kólyaqténchesek sa' nahan apmenek,