Éxodo 19:18 - Biblia Enxet

¹⁸ Paqneyk axta nahan ekyókxoho m'a egkexe Sinaí, hakte apweywenteyk axta Wesse' egegkok apkenegwa'akto m'a neyseksa táxa eyáléwe. Meyákxeyk axta néten ma'a éten ektémól'a m'a táxa axagkok, kelpexyennegkek axta nahan ekyennaqte agko' ma'a egkexe nak.

Éxodo 19:18 Referans Kwoze

Jueces 5:5

Kelyawheyha axta egkexe nápaqtók xép Wesse' egegkok, yawheykha axta egkexe Sinaí nápaqtók xép Dios nak Israel.

Salmos 144:5

Wesse', emeykásekxa néten, keñe sa' eweywenta'; elpaknegwomho egkexe, yaqwayam sa' kalpaqnek;

Éxodo 3:2

cham'a apxekmowásekpexa axta anhan xama Wesse' egegkok apchásenneykha xama táxa eyáléwe neyseksa maktek. Aptaqmelchásekxók axta nahan apkelányo Moisés ma'a, apwet'ak axta eyáléweyncha'a táxa m'a neyseksa maktek, maxta eyke kamyetak.

Jeremías 4:24

Énmexawók axta m'a élámhakxa nak meteymog élekhahéyak, kelpexyennegkek axta; kelyawheykha axta ekyókxoho m'a egkexe nak.

Génesis 19:28

apkenmexawók axta m'a Sodoma tén han Gomorra, keñe han ma'a ekyókxoho xóp ekyapwate nak, apwet'ak axta ekmeyákxo néten ma'a éten ekyókxoho yókxexma nak, máxa axta m'a táxa axagkok la'a.

Salmos 104:32

Kalpexyennók chá'a xapop apkelano enxoho chá'a; ¡kalpaqnek chá'a néten egkexe apkelpaknegwokmoho enxoho chá'a!

Deuteronomio 33:2

Aptáhak axta s'e: “Sinaí apkeñamak ma'a Wesse' egegkok; Seír axta apkeñamak apwaya negyeseksa. Chápogwategkek axta élseyéxma apagkok ma'a egkexe Parán apxegeykmek axta apkeñama m'a Meribá-cadés; apmek apkelya'assamakxa axta ensókaseykmok ma'a segánamakxa táxa eyáléwe nak.

Deuteronomio 5:22

“Keso appeywa apkellegassama axta Wesse' egegkok appaqmeyesma axta ekyennaqte agko' ma'a neyseksa táxa eyáléwe tén han neyseksa yaphope ekyentaxno agko', kélaqneykekxo axta kélyókxoho m'a awhak egkexe nak. Tén axta mexéneykekxoho chá'a, apnaqtáxéssegkek axta ánet meteymog élpayhe xa appeywa nak, tén axta sélméssama ko'o.

Éxodo 24:17

Apkelwet'ak axta nahan Wesse' egegkok élseyéxma apagkok ma'a israelitas, máxa axta entáhak ma'a ektémól'a táxa eksawhomol'a kalwatnek aqsok, ekpayho nak ma'a netnók nak egkexe.

Isaías 6:4

Xama axta ektepa xa kélpeywa nak, kelyawheyha axta m'a tegma appagkanamap atña'ák apagkok nak, lanawók axta éten ma'a kañe' tegma appagkanamap.

Génesis 15:17

Xama axta ektaxna ekhem, yáqtéssek axta, tekkek axta xama táxa axagkok, pánchessek axta, weynchámeyha axta han neyseksa m'a yámet eyáléwe ekhágkaxa axta m'a aqsok kélnaqtósso ápetek kélpáxqatma neyseksa.

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.

Salmos 114:7

¡Xapop kalpexyennem nápaqtók Wesse' egegkok, Dios apagkok nak Jacob!

Salmos 77:18

Legamaxcheyk axta éxtegyawà apagkok neyseksa m'a éxchahayam ekyennaqte; keltátchessegkek axta apkelyenma apagkok ekyókxoho nélwanmeygkaxa', yawheykha axta xapop.

Éxodo 20:18

Apyókxoho israelitas axta nahan apteme apkelweteykegkoho m'a takha' appáwà axta tén han ma'a apkelyenmayam axta, tén han ma'a ekpáwà axta kélaqkahasso, tén han ekhaxnencheykmo axta éten ma'a egkexe nak; apkelakak axta eyke, apchaqnágwa'ak axta aqsa m'a makhawo'.

Éxodo 19:13

Méko sa' kawának kapaknegwomho'. Meteymog sa' kólyetnak kólaqhek essenhan kólmaktak yágke m'a ektáha enxoho apyepetchegweykmoho, megkeyxek sa' ma'a xama énxet essenhan aqsok nawhak, kólaqhek sa' meyke kélhayo kalweynchamha. Wánxa sa' aqsa apwanchek elchántek énxet'ák egkexe m'a apkelleg'a sa' kapáwak kélaqkahasso.

Génesis 11:5

Apweywenteyk axta Wesse' egegkok apkelano tegma apwányam, tén han tegma néten apwenaqte, apkeláneygko axta m'a énxet'ák nak.

Éxodo 19:17

Keñe axta Moisés apnaqlawa énxet'ák apkelya'asa m'a teyp apheykegkaxa axta apkelpakxeneykegko, yaqwayam elanyexagkok ma'a Dios, apchaqnágwokmek axta m'a nekha egkexe nak.

Éxodo 34:2

Elánekxa sa' nahan aptáhakxa yaqwayam yántek egkexe Sinaí saka axto'ók agko', ewakxa sa' sekhakxa nak ko'o, cham'a ektáhakxa nak netnók agko' ma'a egkexe.

Deuteronomio 5:4

Apkelpaqhetchessegkek axta kéxegke Wesse' egegkok yetlo apkelweteyo m'a egkexe nak, neyseksa táxa eyáléwe.

Isaías 64:1

Egmenye nak la'a negko'o elyeptek néten, keñe eweywenták kalpexyennók nápaqtók ma'a meteymog élekhahéyak nak,

Deuteronomio 4:36

Apkelpaqhetchessegkek axta nahan kéxegke m'a néten nak yaqwayam enxoho elánekxések chá'a kélxega, keñe so náxop nak apxekmóssama chá'a táxa ekwányam apagkok, kóllegak axta nahan chá'a appeywa m'a neyseksa táxa eyáléwe nak.

Nehemías 9:13

“Tén axta apweyweykento apkenegweykto m'a néten egkexe nak Sinaí, apkelpaqhetchessegkek axta m'a ekpayho nak néten; apméssegkek axta segánamakxa ekpéwomo, tén han nélxekmowásamáxche ekmámnaqsoho, tén han apkeltémókxa nak antéhek ektaqmela.

Salmos 18:9

Apmeykáseykekxeyk axta néten, keñe axta apweyweykento. ¡Yentexek axta yaphope ekpésyam ma'a kóneg apkenmágkaxa axta!

Salmos 68:9

Oh Dios, apmáméssegkek axta exchep ekyawe agko'; apkelyampayók apagko' axta m'a énxet'ák apagkok, apkelmeyáseykekxeyk axta eyke exchep apkelyennaqte.

Salmos 77:19

Apmeykáseykekxeyk axta neyseksa wátsam ekwányam aptámeyeykekxo, apmallanegkek axta ekyawakxa yegmen, méko axta eyke ekwetassama apmenek.

Salmos 114:4

¡Kelnextegeykha axta néten ma'a egkexe ektémól'a nepkések apkelennay'awo, kelnextegeykha axta néten ma'a meteymog élwenaqte aptémól'a nepkések apketkók!

Habacuc 3:6

Epexyennegkesek chá'a xapop ma'a apkenegwánxa enxoho; elpexyennók chá'a pók aptémakxa énxet'ák apkelano enxoho; kalyaqnenagkok chá'a m'a nanók egkexe nak, kalpayhekxak chá'a m'a nanók meteymog élwenaqte nak, megkamassegwomek eyke m'a Dios ámay apagkok.