Éxodo 17:8 - Biblia Enxet

⁸ Apkelxegakmek axta amalecitas apkelmeyókmo m'a yókxexma Refidim, yaqwayam elnapakpok ma'a israelitas.

Éxodo 17:8 Referans Kwoze

1 Samuel 15:2

Keso aptáhakxa nak appeywa Wesse' egegkok ekha nak apyennaqte s'e: ‘Allegássesagkohok sa' ko'o amalecitas eñama m'a apteméssessamakxa axta Israel, apkelánteyapma axta apmonye'e apkelnápomákpo apkelxegeykmo apkeleñama m'a Egipto.

Génesis 36:12

Yetneyk axta han kelán'a apmeykha naqsa m'a Elifaz, ekwesey axta Timná; wetassegkek axta han xama apketche apwesey axta Amalec. Cháxa atawán'ák natámen axta Adá xa, mók aptáwa' axta m'a Esaú.

1 Samuel 30:1

Ántánxo ekhem axta entáhak apwákxo David ma'a Siclag yetlo apkelxegexma'a, apwetágweykxeyk axta amalecitas apkelántaxna m'a yókxexma Négueb, apketámegko m'a Siclag, tén han apmasséssekmo aqsok apkelwatnékxo.

Números 24:20

Keñe axta natámen Balaam apwet'a Amalec, yetlókok axta nahan aplegasso s'e amya'a nak: “Énxet'ák Amalec, apteme apmonye'e apkelyennaqte, kólmasséssók sa' eyke apyókxoho.”

Salmos 83:7

tén han Guebal, Amón, tén han Amalec, tén han filisteos, tén han ma'a apheykha nak Tiro,

Génesis 36:16

Coré, Gatam, tén han Amalec. Cháxa ektáha axta chá'a apkelámha apmonye'e Elifaz aptawán'ák neptámen ma'a yókxexma Edom, Adá axta atawán'ák natámen xa apyókxoho nak.

Éxodo 17:1

Apyókxoho israelitas axta apkelántépak ma'a yókxexma meykexa énxet ekwesey nak Sin, apkelxegákxo makham meyke ekpekhe, apkelyeheykekxoho chá'a m'a apkeltémókxa axta etnahagkok ma'a Wesse' egegkok. Apkelpakxenwokmek axta makham ma'a yókxexma ekwesey nak Refidim, méko axta eyke yegmen yaqwayam enxoho énagkok ma'a énxet'ák nak,

1 Samuel 27:8

Exog axta chá'a yetlo apkelxegexma'a elyementamagkok aqsok apagkok ma'a énxet'ák nak Guesur, Guézer tén han Amalec, apheykencha'a axta xa yókxexma nak, eyeynamo m'a Telaím, ekpayho nak Sur, ekweykekxoho m'a Egipto.

Génesis 14:7

Xama axta apkexyekmo makham ma'a Quedorlaómer, yetlo m'a ektáha axta apkelxegexma'a, apkelwa'akteyk axta m'a En-mispat, ekwesey nak han Cadés, apnaqtawáseyha axta han ekyókxoho aqsok apwet'akxa enxoho chá'a apmonye'e m'a yókxexma apagkok nak amalecitas, hawók axta han apteméssesakxa m'a amorreos, apheykencha'a axta m'a yókxexma Hasesón-tamar.

Números 13:29

Keñe m'a yókxexma Négueb apheykencha'a m'a amalecitas. Keñe m'a yókxexma ekxámokmakxa nak meteymog élekhahéyak apheykencha'a m'a hititas, jebuseos tén han ma'a amorreos, keñe m'a nekha nak wátsam ekwányam, ekpayho nak ma'a wátsam Jordán apheykencha'a m'a cananeos.

Jueces 6:3

Apkenákxeyk axta agkok chá'a aqsok ma'a israelitas, tén axta ektámenták chá'a m'a madianitas, tén han ma'a amalecitas, apheykha axta m'a ekteyapmakxa ekhem.

1 Samuel 14:48

Apchánchesákxeyk axta sẽlpextétamo keñe apyaqmasa m'a Amalec, keñe apkelmallahanchessama nepyeseksa Israel ma'a apketámeyam axta chá'a.