Éxodo 15:2 - Biblia Enxet

² Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Éxodo 15:2 Referans Kwoze

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Salmos 118:14

Anneykmásseshok chá'a ko'o Wesse' egegkok, segkésso nak sekyennaqte. ¡Cha'a apteme ko'o Sewagkasso teyp ma'a!

Salmos 18:46

¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak teyp!

Salmos 59:17

Dios ahagkok, anneykmássesek sa' ko'o exchep negmeneykmasso, hakte xép apteme semasma apyennaqte, tén han setaqmelchesso, ¡xép apteme Dios, seyásekhayo nak ko'o!

Isaías 25:1

Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.

Salmos 140:7

Wesse', Dios Sewagkasso nak teyp, etaqmelchessegkek axta exchep neyseksa kempakhakma.”

Salmos 99:9

Kólpeykesho Dios Wesse' egegkok, ¡kóltekxeyák kéltapnák ma'a amonye' nak egkexe apagkok ekpagkanamaxche'! ¡Appagkanamap ma'a Dios Wesse' egegkok, cham'a Wesse' egegkok nak!

Salmos 118:28

Ekméssek ko'o exchep ekxeyenma ewáxok, ekteméssessegkek han eyeymáxkoho m'a ektémakxa nak apteme apwányam apagko', hakte xép apteme Dios ahagkok.

Salmos 99:5

¡Kólpeykesho Wesse' egegkok, Dios egagkok, kóltekxeyák kéltapnák ma'a apmonye' aphakxa nak! ¡Dios apteme appagkanamap!

Salmos 34:3

Ansawhaxkohok sa' ólpeykeshok Wesse' egegkok, anteméssesek ekwányam ma'a apwesey nak.

Deuteronomio 10:21

Hakte cham'a yaqwayam kólteméssesek chá'a kéxegke apcheymákpoho m'a; cham'a Dios kélagkok ma'a, apkelánéssama axta chá'a kéxegke m'a aqsok ekyawe nak tén han ma'a sempelakkasso nak agweta' kélweteya axta kéxegke.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Salmos 145:1

Dios ahagkok, Wesse' apwányam ahagkok, axének sa' chá'a exchep apteme apwányam, axénmakha sa' chá'a ektaqmela apwesey meyke néxa.

2 Samuel 22:47

“¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak chá'a teyp, tén han semasma nak chá'a!

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 4:22

Tén sa' etnehek yának faraón se'e: ‘Exchek aptáhak appeywa Wesse' egegkok se'e: Israel apteme hatte átnaha apketkok.

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Salmos 109:1

Oh Dios, ná ewanma aqsa chá'a sélmaxneya enxoho chá'a,

Salmos 27:1

Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

Éxodo 40:34

cháhapwa'ak axta yaphope m'a kélpakxanma apchaqneykekxexa nak chá'a énxet'ák, lanawók axta Wesse' egegkok élseyéxma apagkok ma'a kañe' kélpakxanma appagkanamap.

Jeremías 32:38

Énxet'ák ahagkok sa' ko'o atnehek ma'a, keñe sa' ko'o hetnehek Dios apagkok.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 3:23

Kaqhok negko'o ólmeyekxak chá'a m'a néten egkexe nak, essenhan ólpáxamágwakxak chá'a m'a néten meteymog élwenaqte nak; wánxa aqsa egwanchek negko'o agwetak nélwagkásamáxche teyp, negko'o nentáha nak énxet'ák Israel ma'a Dios Wesse' egegkok nak.

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?

Isaías 45:17

Apwagkassek eyke teyp Wesse' egegkok ma'a Israel, apwagkassek teyp meyke néxa, memegqáyhek sa' chá'a xama enxoho, megyaháxeheykha sa' chá'a apmegqakto.

Salmos 132:5

móteyasakxa enxoho makham apxagkok ma'a Wesse' egegkok, Jacob nak Dios apagkok ekha Apyennaqte.”

Salmos 68:20

Dios egagkok apteme xama Dios segwagkassamo nak teyp, apwanchek hégketchesek nétsapma.

Salmos 30:1

Wesse', ekteméssessek ko'o exchep apcheymákpoho, hakte emallahanchessek ko'o exchep aqsok ekmaso, megyahayók hésmaksek ma'a sélenmexma nak.

Salmos 28:8

Wesse' egegkok apkelyennaqtésso m'a énxet'ák apagkok; tén han appasmo, apyexánegweykekxexa m'a wesse' apwányam apkelyéseykha nak.

Salmos 22:10

Ekmésamaxcheyk axta ko'o exchep matyeykemxa axta makham, xép axta Dios ahagkok sekyetnamakxa axta kañe' méme awáxok.

Salmos 22:3

Appagkanamap akke exchep; Wesse' apwányam xép, apkelpeykessamo nak Israel.

1 Reyes 8:27

“Wánxa agkok, ¿naqsóya apmopwána exek Dios keso náxop? Mopwanchek exhok ekwánxa nak ekyawe néten, ¡ekyágwánxa agkok mexók se'e tegma appagkanamap sélánésso nak xép!

1 Reyes 8:13

Élánéssek eyke ko'o exchep kaxwók xama tegma appagkanamap yaqwayam exek chá'a, xama aphamakxa meyke néxa.”

2 Samuel 22:51

Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.”

2 Samuel 7:5

“Ey'ókxa sa' epaqhetchessekxak séláneykha David, eltennés sa' sektáha ko'o seyaphássesa sekpeywa s'e, sektáha nak Wesse': ‘Háwe sa' xép yaqwayam hélanaksek xama tegma yaqwánxa ko'o axek.

Génesis 17:7

Cháxa ekhémo mók nélpaqhetchásamáxkoho sélánésa nak xép, tén han peya nak alanaksek ma'a apyókxoho aptawán'ák neptámen egmonye' sa', ko'o sa' chá'a atnehek Dios apagkok, tén han Dios apagkok ma'a aptawán'ák neptámen nak xép, meyke néxa'.

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

Jueces 5:21

Sawhawók axta élsawa m'a yegmen ényé, cham'a nanók yegmen ényé nak ma'a Quisón. ¡Xeyep sa' elteyágkasagkok apyespa'ák ma'a ekha nak apkelmopwancha'a!

Salmos 48:14

aptémakxa m'a Dios meyke néxa. ¡Cha'a apteme segyentameykha meyke néxa m'a!

Habacuc 3:13

Apyaweykteyk xép yaqwayam epasmok énxet'ák apagkok, tén han ma'a wesse' apwányam apagkok apkelyéseykha axta exchep. Apketsagkassessek xép néten apxanák ma'a énxet'ák élmasagcha'a nak apkeltémakxa, yáxña'akxoho apnegkencháseykxak ma'a meteymog apowhók nak tegma.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

2 Samuel 7:24

hakte apmenyeyk axta exchep énxet'ák Israel etnehek énxet'ák apagkok meyke néxa, keñe sa' xép etnehek Wesse', Dios apagkok.

2 Samuel 22:3

Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netnók agko', tén han sekheykekxexa nak chá'a eyxanmok, xép apteme sewagkasso teyp. ¡Ewagkassegkek teyp nepyeseksa m'a énxet'ák apkelyennaqteyáseykha nak chá'a apyempe'ék!

1 Crónicas 16:14

“Cham'a apteme Dios Wesse' egagkok ma'a; ¡sawheykekxók han apteme Wesse' apwányam keso náxop!

Salmos 118:21

Wesse', ekméssek ko'o exchep ekxeyenma ewáxok, hakte eyátegmoweykegkokxeyk xép, apteme han sewagkasso teyp.