Éxodo 11:4 - Biblia Enxet

⁴ Aptáhak axta Moisés apcháneya faraón se'e: —Exchek aptáhak apcháphássesso appeywa Wesse' egegkok se'e: ‘Axta'a eyseksók sa' ko'o aweynchamha m'a ekyókxoho nak kañe' Egipto,

Éxodo 11:4 Referans Kwoze

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.

Amós 4:10

“Eyhayak axta negmasse ekmaso, seyáphassama axta m'a Egipto; éltémók axta eletsapok wokma'ák kélagkok ma'a neyseksa kempakhakma, eyhayók axta elmagkok yátnáxeg kélchánte m'a kélenmexma nak; émpassegkek axta ekpaqneyam ektahapma kélhapák ma'a kélpakxeneykegkaxa axta. ¡Axta eyke hélye'eykekták ko'o kéxegke!” Wesse' egegkok apxeyenma xa.

Salmos 60:10

Hakte egkexakhamchek negko'o exchep Dios; ¡massék apkelyetlawa m'a sẽlpextétamo egagkok!

Job 34:20

Katlakkasek chá'a eletsapok ma'a énxet'ák, axta'a eysekso'; elyegweyk chá'a énxet'ák keñe emassegwók; kólmasséssók chá'a m'a énxet ekha nak kéláyo, meyke kélásenneykxa m'a énxet.

Éxodo 12:12

Cháxa axta'a nak, aweynchamha sa' ko'o m'a ekyókxoho nak kañe' Egipto, alnápok sa' chá'a xama tegma étchek átnaha apketkók ma'a egipcia, tén han ma'a émha amonye' ekwete nak étkók ma'a apnaqtósso. Alyekpexchetagkok sa' nahan ko'o m'a ekyókxoho aqsok kéláyókxa nak chá'a m'a kañe' Egipto. Ko'o sekxeyenma xa, sektáha nak Wesse'.

Miqueas 2:13

Dios sa' exog apmonye'e elanaksek ámay, keñe sa' elyetlók ma'a énxet'ák, elántépok sa' ma'a átog nak tegma apwányam. Exog sa' amonye'e apyókxoho énxet'ák ma'a Wesse' apwányam apagkok, cham'a Wesse' egegkok.

Amós 5:17

Kallekxagwaxchek sa' ekyókxoho émhakxa nak anmen yámet kélcheneykekxa, sekwa'akto sa' ko'o allegássesagkoho'.” Wesse' egegkok apxeyenma xa.

Isaías 42:13

Máxa xama énxet apyennaqte sa' etnehek etyapok ma'a Wesse' egegkok; elnapakpok sa' yetlo apwasqapma aptémól'a m'a kempakhakma yáp; epaqmétek sa' ekyennaqte, elpáxamha sa' yempakha', emenxenek sa' nahan ma'a apkelenmexma.

2 Samuel 5:24

Kélleg'ak sa' agkok ektémól'a anxog ma'a néten nak naw'ék yámet élyawe, kólchetamák sa' kólnapaxche', hakte cháxa magkenatchesso sekxega ko'o kélmonye'e, yaqwayam alnápok ma'a sẽlpextétamo nak filisteos.

Éxodo 12:23

Apmahágkek sa' agkok Wesse' egegkok peya enxoho elnápok ma'a egipcios, étak sa' chá'a éma m'a ekyókxoho atña'ák nekhaw'ék nak, tén sa' eyeykha aqsa chá'a xa tegma nak. Megyohok sa' etxek Wesse' egegkok kañe' kélxagkok kéxegke m'a tekyawa yáp.

Salmos 81:5

apchánamakxa axta antéhek, apmésso axta m'a José, apkempakhaya axta Dios ma'a Egipto. Ekleg'ak ko'o xama kélpeywa may'ásegko nak: