Éxodo 10:4 - Biblia Enxet

⁴ hakte apkelenxanakmók sa' agkok xép apmágwayam yaqwayam yohok elxog, saka sa' ko'o aláphaksek sawa' elántaxnegwók ma'a kañe' apchókxa'.

Éxodo 10:4 Referans Kwoze

Joel 2:25

“Ayaqmagkassásekxak sa' ko'o kéxegke m'a kélcheneykekxa ekmasagko axta, eñama sawa' aptókasso, cham'a sawa' apxámokma aptawáseykha nak aqsok, seyáphassama axta kélnepyeseksa kéxegke.

Proverbios 30:27

sawa' méko eykhe etnehek wesse' apagkok, kaxhok eyke mók apkelxega;

Éxodo 9:18

Saka sa' ko'o wának katyamok yegmen élyennaqte élyawe agko', megkótémaxko nak makham kaxhok ektéyam ma'a kañe' Egipto. Sa' kaxhok nahan se'e ekwánxa nak ekhem.

Éxodo 9:5

Appekkenchek axta nahan ekhem yaqwánxa katnehek Wesse' egegkok xa. Aptáhak axta s'e: —Saka sa' ko'o alának xa.

Éxodo 8:23

Maxnésók sa' ko'o énxet'ák ahagkok ma'a yaqwánxa nak atnéssesek ma'a énxet'ák apagkok nak xép. Saka sa' eyke katnehek xa.

Éxodo 8:10

—Saka sa' —axta aptáhak faraón. Tén axta Moisés aptáha apchátegmowágkokxo s'e: —Hoy, sa' katnehek ma'a, yaqwayam sa' ey'asagkohok méko ekhawo xama enxoho m'a Dios Wesse' egegkok.

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Éxodo 10:5

Esawhekxohok sa' ma'a ekyókxoho kañe' xapop apagkok, magwetyehek sa' anlanok ma'a náxop nak hakte apxámok sa' etnehek. Etawagkok sa' ma'a aqsok éleymomáxche axta ántawo', éláyam axta m'a yegmen élyennaqte. Etawagkok sa' nahan ma'a ekyókxoho yenta'a élyawe élaqnágko nak ma'a yókxexma.

Deuteronomio 28:38

Kólchenekxak sa' chá'a ekxámokma m'a aqsok aktek, ántawók sa' eyke chá'a kólnakxek ma'a ekyexna, hakte sawa' sa' esawhaksek.

Éxodo 4:23

Éltennássek axta exchep séltamho yohok etyapok hatte, yaqwayam enxoho exog hélpeykesho'. Waqhássesek sa' ko'o exchep ma'a apketche átnaha apketkok nak, eñama megyahayo etyapok.’

Éxodo 5:1

Keñe axta natámen xa, apyo'ókmek axta Moisés tén han Aarón peya etnehek yának faraón se'e: —Keso aptáhakxa exchek appeywa apcháphássesso Wesse' egegkok aptáha nak Israel Dios apagkok se'e: ‘Yoho elmahagkok énxet'ák ahagkok ma'a yókxexma meykexa nak énxet, yaqwayam sa' elanagkok apkelsawássessamo eñama mehélwagqayam ko'o.’