Ester 9:25 - Biblia Enxet

²⁵ Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Ester 9:25 Referans Kwoze

Salmos 7:16

¡Kápekxak sa' ma'a aptémakxa ekmaso, tén han apyennaqteyáseykha apyempehek!

Salmos 141:10

Kalmekxohok sa' agkok apkelhanma m'a élmasagcha'a nak apkeltémakxa, keñe sa' ko'o axog aqsa meyke setnahakxa.

Ester 7:5

Tén axta Asuero aptáha apkelmaxneyáncha'a s'e: —¿Yaqsa m'a? ¿Háxko aphakxa m'a énxet ekxeyenma nak apwáxok elának xa ektéma nak aqsok?

Ester 3:6

Axta nahan kaxénak apwáxok eñássesagkohok aqsa apxakko' kéltennasa apteme judío m'a Mardoqueo, yetlókok axta nahan ekxeyenma apwáxok emasséssók ma'a apyókxoho judíos apheykencha'a axta m'a aptémakxa axta wesse' apwányam ma'a Asuero.

Ester 7:4

hakte ẽlchexakkek axta negko'o ekha ekyánmaga néláneyáxko hẽlmasséssók negyókxoho, ko'o tén han ma'a sekpeywomo xamo' nak. Kaxtemék axta sẽlchexakha aqsa negko'o yaqwayam antéhek sẽlásenneykha naqsa, mapaqmésmakha axta ko'o, keñe axta exchep wesse', kasextohok etwássesha apha m'a sẽlenmexma nak negko'o.

Salmos 140:8

Wesse', ná egkés aqsok apkelmopmenyého m'a élmasagcha'a nak apkeltémakxa; nágyoho katyapok ma'a aqsok apmáheyo elanagkok. Apkeleykpok ma'a apheykha nak neyáwa' sekhakxa; ¡yána kápekxak ma'a aptamhágkaxa nak apkelpeywa apkeltamho hetnégwomhok exma ekmaso ko'o!

Isaías 22:25

“Kayawheykha sa' láwa kélyaqxaqxamakxa axta ekyennaqte agko' xa ekhem nak; kóllók sa', keñe sa' katyamok, keñe sa' ma'a ekyókxoho aqsok kélmakheyáseykha axta m'a, kalpaqxek sa'.’” Wesse' egegkok ekha nak apyennaqte, apxeyenma xa.

1 Samuel 25:39

Xama axta apleg'a David apketsapa m'a Nabal, aptáhak axta s'e: —¡Apcheymákpoho sa' kólteméssesek Wesse' egegkok, seyaqmagkassásekxo nak ektémakxa setaqnaweykha m'a Nabal! ¡Meltamhók alának aqsok ekmaso, Nabal apagko' han apcháhakkásekxak ma'a aptémakxa ekmaso! Tén axta David apcháphássesa appeywa apmako emekxak etnehek aptáwa' m'a Abigail.

1 Reyes 8:32

yeyxho sa' xeyep ma'a aphakxa nak néten, elána sa' nahan; etnésses sa' ekpayhawo nak etnéssesek ma'a apkeláneykha. Eñássesagkoho sa' ma'a ektáha nak apsexnánémap, yána sa' kaphewakxak ma'a kéllegassáseykegkoho, eñama aptémakxa ekmaso, etnésses sa' han ekpayhawo nak kólteméssesek ma'a meyke nak aptémakxa.

Ester 7:10

Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Salmos 7:17

Alteméssesek sa' ko'o apcheymákpoho Wesse' egegkok, hakte péwók aptémakxa m'a; anneykmássesek sa' ko'o apwesey Wesse' egegkok, apwesey nak Meyke Ekhémo.

Salmos 94:23

Yának sa' kalnápekxak apkeltémakxa ekmaso Wesse' egegkok ma'a élmasagcha'a nak apkeltémakxa. ¡Dios egagkok sa' emasséssók!

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Proverbios 26:27

Énxet apmeta nak chá'a máxek, etyemekxohok apagko' chá'a kañe'; énxet apyeygéyak nak chá'a xama meteymog ekyaqye, kápekxohok agko' chá'a.

Abdías 1:15

Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.