Ester 8:7 - Biblia Enxet

⁷ Tén axta wesse' apwányam Asuero apchátegmowágkokxo m'a wesse' ekwányam Ester tén han ma'a Mardoqueo, judío nak. Aptáhak axta s'e: —Ekméssek eyke ko'o kaxwók Ester ma'a Amán axta apxagkok, kélmakheyáseyncha'a axta néten yámet élwenaqte eñama apmáheyo elnápok ma'a judíos.

Ester 8:7 Referans Kwoze

Ester 7:10

Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Esdras 4:6

Kélsókassek axta weykcha'áhak apkelxénamap énxet'ák Judá tén han Jerusalén sekxók apcheynawo axta apteme wesse' apwányam ma'a Asuero.

Ester 8:1

Cháxa ekhem apmésakxa axta wesse' apwányam Asuero wesse' ekwányam Ester ma'a Amán axta apxagkok, apkelenmexma axta m'a judíos, apmahágkek axta Mardoqueo m'a aphakxa nak wesse' apwányam, hakte keltennassegkek axta Ester ektáha yaha' apketche m'a.