Ester 8:16 - Biblia Enxet

¹⁶ apkelátseyha axta nahan judíos élxéna apkelwáxok apkelmallana m'a aqsok ekmaso tén han ekyetna kaxwók kéláyo.

Ester 8:16 Referans Kwoze

Salmos 97:11

Kalsássesek chá'a élseyéxma m'a énxet ektaqmalma nak aptémakxa; keñe chá'a ekpayheykekxa egwáxok ma'a énxet'ák meyke nak apkeltémakxa.

Proverbios 11:10

Tásek agkok apheykha m'a énxet'ák élpéwomo nak apkeltémakxa', kalpayhekxak chá'a apkelwáxok ma'a énxet'ák apheykha nak tegma apwányam; apkeletsekkek agkok ma'a énxet'ák élmasagcha'a nak apkeltémakxa', elátsaha chá'a énxet'ák.

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Isaías 35:10

apkelmeykekxa nak neyseksa aqsok ekmaso m'a Wesse' egegkok; elántexek sa' Sión yetlo apkelmeneykmasso élpayheykekxa apkelwáxok, katnahagkok sa' chá'a élpayheykekxa apkelwáxok neyseksa apheykha. Elwetak sa' élpayheykekxa apkelwáxok tén han apkelátseykha, kamassegwók sa' ma'a apkellekxagweykha tén han éllapwáméyak.

Salmos 112:4

Kalsássesek chá'a exma cháléwasso ekyáqtésakxa exma m'a énxet'ák meyke nak apkeltémakxa, tén han ma'a apmopyósa nak chá'a elanok pók, tén han ma'a ektaqmalma nak apkelwáxok, tén han ma'a ekpéwomo nak chá'a apkeltémakxa.

Ester 4:16

“Exeg, yánchásekxa sa' apyókxoho judíos apheykha nak ma'a Susa, yaqwayam sa' metawagkehek aptéyak hélmaxnéssesek ko'o. Metawagkehek sa' aptéyak ekweykmoho ántánxo ekhem tén han ántánxo axta'a, ménagkek sa' nahan ma'a apyenéyak nak. Antamhagkok sa' eyke negko'óxa xa ektáha nak, cham'a séláneykha nak, tén sa' ko'o axog ay'ókxak ma'a wesse' apwányam, énmexma eykhe segánamakxa m'a sekmakókxa nak atnehek. Apkeltamhók sa' agkok amátog, tásek amátog.”

Salmos 118:27

Wesse' egegkok apteme Dios; ¡sẽlsássesso exma! Kólxegkes heykxa kélessawássessamo, kólsakxa yámet aktegák ekweykekxoho kélwákxo m'a élámhakxa nak nekhaw'ék ma'a ekwatnamáxchexa aqsok.

Salmos 30:12

Dios Wesse' ahagkok, ¡cháxa keñamak peya nak anneykmássesek negmeneykmasso, tén han agkések chá'a ekxeyenma ewáxok, mowanchek awanma' aqsa!

Proverbios 28:12

Apkelmeyk agkok apkeltamheykha apteme ekha kéláyo m'a énxet'ák apkelpéwomo nak, kalanaxchek ekyawe agko' kélessawássessamo; apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak.