Ester 7:6 - Biblia Enxet

⁶ Tén axta Ester ektáha eyátegmowágkokxo s'e: —¡Amán xa sẽlenmexma nak negko'o, énxet ekmaso nak aptémakxa! Xama axta apleg'a xa, apkelyelqákpek axta aqsa Amán apkeye nápaqtók wesse' apwányam, tén han ma'a wesse' ekwányam Ester.

Ester 7:6 Referans Kwoze

Proverbios 16:14

Aplókek agkok wesse' apwányam, yetneyk katnehek yaqwayam emátog, énxet apya'áseykegkoho aqsok akke aqsa apwanchek emasséssesek aplo.

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Ester 3:10

Tén axta wesse' apwányam apleya apketchesso apophék apmésa m'a Amán, apkelenmexma axta m'a judíos.

Nehemías 6:16

Apkellegayak axta m'a nélenmexma nak, apkelyegwaktegkek axta han ma'a apyókxoho énxet'ák apheykha axta neyáwa negheykegkaxa', massegkek axta éleymáxkoho apkelwáxok, hakte apkelya'ásegweykmek axta ekpenchásamaxko xa nentamheykha nak, yetlo sempasmo m'a Dios egagkok.

1 Samuel 24:13

Temék nanók amya'a ektéma nak se'e: ‘Énxet élmasagcha'a apkeltémakxa keñamak ma'a ekmaso nak nentémakxa'’; cháxa keñamak matnéssessamók ko'o exma ekmaso exchep, wesse'.

Isaías 21:4

Meyke sekya'áséyak aqsok etnéssásak, élpexyennegkessek seyeye. Aqsok ekmaso agko' tamhákxak ma'a taxnám ekmáxaqxo axta chá'a exma, ekpeykeseykekxoho axta chá'a ewáxok eñama ekmáxaqxóxma.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Ester 7:5

Tén axta Asuero aptáha apkelmaxneyáncha'a s'e: —¿Yaqsa m'a? ¿Háxko aphakxa m'a énxet ekxeyenma nak apwáxok elának xa ektéma nak aqsok?

Ester 8:1

Cháxa ekhem apmésakxa axta wesse' apwányam Asuero wesse' ekwányam Ester ma'a Amán axta apxagkok, apkelenmexma axta m'a judíos, apmahágkek axta Mardoqueo m'a aphakxa nak wesse' apwányam, hakte keltennassegkek axta Ester ektáha yaha' apketche m'a.