Ester 7:4 - Biblia Enxet

⁴ hakte ẽlchexakkek axta negko'o ekha ekyánmaga néláneyáxko hẽlmasséssók negyókxoho, ko'o tén han ma'a sekpeywomo xamo' nak. Kaxtemék axta sẽlchexakha aqsa negko'o yaqwayam antéhek sẽlásenneykha naqsa, mapaqmésmakha axta ko'o, keñe axta exchep wesse', kasextohok etwássesha apha m'a sẽlenmexma nak negko'o.

Ester 7:4 Referans Kwoze

Ester 3:9

Wesse', leyawók sa' agkok xeyep apwáxok, etaxés sa' appeywa weykcha'áhak yaqwayam yának kólmasséssók, tén sa' ko'o agkések trescientos treinta mil kilos sawo ekmope ekmomnáwa m'a apkeláneykha apkelmeykha nak chá'a aqsok yaqwayam sa' kólxatmok ma'a kélxátamakxa nak chá'a aqsok élmomnáwa apagkok ma'a wesse'.

Deuteronomio 28:68

Apkeltennassegkek axta eykhe Wesse' egegkok meltémo kólmeyekxak makham ma'a ámay ekmahéyak nak Egipto, yántakpayhe sa' eyke yának kólchántek kólmeyekxak makham ma'a, keñe sa' eltennaksek elmeyásekxak ekha ekyánmaga m'a kélenmexma nak yaqwayam etnehek apkelásenneykha naqsa; méko sa' eyke xama énxet enxoho yepmenyéhok elmekxa'.”

Ester 3:13

tén axta kéláphasa chá'a apkelseykha weykcha'áhak ekyókxoho apheykegkaxa énxet aptémakxa axta chá'a wesse' apwányam. Yetneyk axta nahan ektáxésamaxche éltémo kólmasséssók xama ekhem agko' ma'a apyókxoho judíos, cham'a apketkók nak tén han ma'a apkelwányam, sakcha'áletkók tén han ma'a kelán'ák nak, tén han kalmaxchek ma'a ekyókxoho aqsok apagkok ekyetnakxa nak. Ekhem trece axta nahan pekkenáxcheyk yaqwayam katnehek xa, pelten doce, pelten Adar.

Ester 8:11

Yetneyk axta ektáxésamaxche weykcha'áhak wesse' apwányam apkeltémo yaqnekxak judíos ekyókxoho apheykegkaxa nak chá'a tegma apwányam yaqwayam elmeyawakpohok apagko', tén han elnápok, emasséssók tén han etnehek apagkok ekyókxoho aqsok apagkok nak ma'a énxet'ák ekha nak apkelmeykha m'a ekyókxoho apheykegkaxa tén han apchókxa apketámeyam enxoho chá'a, meyke apkelmeyágweykekxa elnápok ma'a kelán'ák tén han ma'a sakcha'a létkók.

Amós 2:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Israel, megkatnehek sa' mallegassáseykegkoho; hakte apkexeykekxeyk chá'a apyaqmagkáseykekxo selyaqye m'a énxet'ák meyke nak apkeltémakxa, keñe m'a énxet'ák apkelmopyóseka nak apkelyaqmagkáseykekxo chá'a kéltéto kélmagkok.

Joel 3:6

Makhawók kélya'assók ma'a énxet'ák Judá, tén han ma'a énxet'ák apheykha nak Jerusalén, kélchexeykekxeyk ekha ekyánmaga kélméssama m'a griegos, yaqwayam etnehek apkelásenneykha naqsa.

Ester 7:6

Tén axta Ester ektáha eyátegmowágkokxo s'e: —¡Amán xa sẽlenmexma nak negko'o, énxet ekmaso nak aptémakxa! Xama axta apleg'a xa, apkelyelqákpek axta aqsa Amán apkeye nápaqtók wesse' apwányam, tén han ma'a wesse' ekwányam Ester.

Nehemías 5:5

“Nempeywomo xamo' egmók negko'o, nélókxa xamo' han, hawók han mók egketchek. Kélásenneykha naqsa eyke chá'a negko'o agának kólteméssesek ma'a egketchek apkelennay'a tén han kelwán'ák nak. Tamheykegkek eyke chá'a kélásenneykha naqsa nekha m'a egketchek, mogwanchek agmágwakxa', hakte pók énxet kaxwók aptamheykegkok apagkok ma'a anmen yámet negkeneykekxexa', tén han ma'a xapop egagkok nak.”

1 Samuel 22:23

Exa sa' aqsa sekhakxa, nágkatneykha apwáxok. Hakte cham'a apmáheyo nak xép yaqhek, ko'o han apmáheyok heyaqhek. Méko sa' eyke katnehek ektáhakxa apha, apha enxoho xamo' ko'o.

Josué 9:23

Cháxa keñamak peya nak kóllegássesagkohok kéxegke ekyentaxno agko', kélásenneykha sa' kóltamhagkok ekwenaqtamakxa agko'. Kólyaqtennagkok sa' yántapák, tén sa' kólyáwak han chá'a yegmen kélapmenyého enxoho m'a tegma appagkanamap apxagkok nak Dios ahagkok.

Ester 7:5

Tén axta Asuero aptáha apkelmaxneyáncha'a s'e: —¿Yaqsa m'a? ¿Háxko aphakxa m'a énxet ekxeyenma nak apwáxok elának xa ektéma nak aqsok?

Ester 8:6

hakte ¡mowanchek ko'o alenmaxaxkohok ótak káhapwak aqsok ekmaso m'a sekpeywomo xamo' nak! ¡mowanchek nahan alanha kólmasséssók ma'a énámakkok ahancha'awo' nak!

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Daniel 6:2

Apkelyésáha axta han chá'a apqántánxo apkeláneykha apkeltamheykha, yaqwayam enxoho elanha chá'a apkeltamheykha m'a apkeláneykha nak chá'a apchókxa', yaqwayam enxoho megkaxyenmek aqsok apagkok ma'a wesse' apwányam. Daniel axta han xama m'a apkeláneykha nak apkeltamheykha.