Ester 6:6 - Biblia Enxet

⁶ Aptaxneyk axta Amán. Tén axta wesse' apwányam aptáha apkelmaxneyáncha'a s'e: —¿Háxko ewanchek ko'o atnéssesek énxet sekmako nak agkések ekyawe agko' ekxeyenma ewáxok? Tén axta Amán ektáha élchetama apwáxok se'e: “ko'o aqsa peyk hegkések ekyawe agko' ekxeyenma apwáxok”

Ester 6:6 Referans Kwoze

Abdías 1:3

Apcheymákpoho keñamak megyaqhémo aptémakxa. Aphegkek xép ma'a neyseksa nak meteymog áxwa, cham'a netnók agko' nak egkexe, cháxa keñamak apkenagkama nak xép méko kategkesek.

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Proverbios 1:32

Meyke apkelya'áseyak aqsok chá'a kalnápok ma'a melya'áseyak nak aqsok, keñe m'a élyeyháxma nak kalnápok chá'a m'a meyke nak élyetnakhayo apkelwáxok;

Salmos 35:27

Eyke yána kalpayhekxak apkelwáxok tén han elwehesha elátsaha m'a apkeltémo axta ko'o axénaxchek meyke sektémakxa; sa' etnehek chá'a elpaqmétek se'e: “¡Apwányam apagko' Wesse' egegkok, kalkohok chá'a apwáxok kataqmelhok apha m'a apkeláneykha nak!”

Ester 6:11

Apmeyk axta apáwa apwenaqte m'a Amán tén han ma'a yátnáxeg, aptaxneyáseykxeyk axta m'a Mardoqueo, apmásseságkek axta nahan táma yátnáxeg apyentameyncha'a m'a apheykegkaxa axta chá'a énxet tegma apwányam. Axta aptáhak chá'a appaqmétegko ekyennaqte apmonye' s'e: “¡Keso kélteméssessamakxa énxet apmopmenyého nak egkések ekyawe agko' ekxeyenma apwáxok wesse' apwányam se'e ektáha nak!”

Ester 6:9

Sa' elxawak xama énxet ekyawakxa nak kéláyo nepyeseksa wesse' apkeláneykha xa apáwa apwenaqte nak, tén han ma'a yátnáxeg, yaqwayam sa' elántaxneyásekxak ma'a énxet apmáheyo nak egkések ekyawe agko' ekxeyenma apwáxok xép wesse', emássesagkok sa' nahan táma yátnáxeg ey'aksek ma'a apheykegkaxa nak chá'a énxet ma'a tegma apwányam, yetlo apteme chá'a appaqmétéyak ekyennaqte apmonye' s'e: ‘¡Keso kélteméssessamakxa énxet apmopmenyého nak egkések ekyawe agko' ekxeyenma apwáxok wesse' apwányam se'e ektáha nak!’

Ester 6:7

Tén axta aptáha apchátegmowágkokxo s'e: —Cháxa énxet nak,

Ester 5:11

apkeltennáseyha axta nahan ma'a ektémakxa axta ekxámokma aqsok apagkok, tén han ekxámokma m'a apketchek, tén han ma'a apteméssessama axta wesse' apwányam mexnémo m'a apkeláneykha tén han ma'a apkelpasmomákpoho axta chá'a ektémakxa aptamheykha wesse', apteméssessama néten agko' kéláyo nepyeseksa m'a apyókxoho nak.

Proverbios 30:13

Yetneyk énxet apkenagko nak etnahak ekyawe kéláyo, elanok chá'a pók yetlo eyeymáxkoho apwáxok.

Ester 6:5

—Amán, axta aptáhak apkelátegmowágkokxo m'a apkeláneykha. —¡Kólána etxek! —axta aptáhak apkeláneya.

Ester 1:15

Aptáhak axta apkelmaxneyáncha'a wesse' apwányam se'e: —¿Háxko egwanchek anteméssesek wesse' ekwányam Vasti eñama megkalyeheykekxa sekpeywa, sekmésso ko'o m'a énxet'ák yágkelwán'ák sélásenneykha nak ko'o, ekhawo m'a ektémakxa nak ekxeyenma m'a segánamakxa?