Ester 3:13 - Biblia Enxet

¹³ tén axta kéláphasa chá'a apkelseykha weykcha'áhak ekyókxoho apheykegkaxa énxet aptémakxa axta chá'a wesse' apwányam. Yetneyk axta nahan ektáxésamaxche éltémo kólmasséssók xama ekhem agko' ma'a apyókxoho judíos, cham'a apketkók nak tén han ma'a apkelwányam, sakcha'áletkók tén han ma'a kelán'ák nak, tén han kalmaxchek ma'a ekyókxoho aqsok apagkok ekyetnakxa nak. Ekhem trece axta nahan pekkenáxcheyk yaqwayam katnehek xa, pelten doce, pelten Adar.

Ester 3:13 Referans Kwoze

Ester 9:10

diez apketchek axta m'a Amán, apkelenmexma axta m'a judíos; axta eyke elmágkok ma'a aqsok apagkok nak.

2 Crónicas 30:6

Tén axta apkelxega m'a apkelseykha axta weykcha'áhak apkelweynchámeyncha'a m'a yókxexma Israel, keñe han ma'a Judá, yetlo m'a wesse' apwányam axta aptáxésso tén han ma'a apkeláneykha nak, yaqwayam eltennasagkok apkeltamhókxa etnahágkok chá'a m'a wesse' apwányam, aptáha axta appeywa s'e: “Israelitas, kólyo'ókxa makham Wesse' egegkok, Dios apagkok axta m'a Abraham, Isaac tén han Israel, keñe sa' ey'óták nahan kéxegkáxa m'a, kéxegke kéleymomáxche axta kélqántawo', apkelegketma axta m'a kelwesse'e apkelwányam Asiria.

1 Samuel 15:3

Exeg, ektamák; emasséssem sa' yetlo ekyókxoho aqsok apagkok, nágkalepyósho aqsa elano'. Elnáhap sa' apkelennay'a tén han kelán'ák, sakcha'áletkók, keñe han kaxwe ekpalleyam nak, tén han ma'a weyke kelennay'awo', nepkések, yányátnáxeg, tén han yámelyeheykok.’

Jeremías 51:31

Apyaqmagákpek pók apkelseykha nak chá'a amya'a apkeltennássekxo chá'a wesse' apwányam Babilonia apmákpo apyókxoho m'a tegma apwányam apagkok.

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Job 9:25

Kayhek ekxega ekhem ahagkok, meyke sekwete ekpayheykekxa ewáxok.

Ester 7:4

hakte ẽlchexakkek axta negko'o ekha ekyánmaga néláneyáxko hẽlmasséssók negyókxoho, ko'o tén han ma'a sekpeywomo xamo' nak. Kaxtemék axta sẽlchexakha aqsa negko'o yaqwayam antéhek sẽlásenneykha naqsa, mapaqmésmakha axta ko'o, keñe axta exchep wesse', kasextohok etwássesha apha m'a sẽlenmexma nak negko'o.

1 Samuel 22:19

Tén axta apkeltamho han emhagkok ma'a Nob, tegma apwányam apagkok axta m'a apkelmaxnéssesso Dios énxet'ák apagkok, apkelnapchek axta han chá'a énxet'ák apkelyetxeygko sókwenaqte, ekweykekxoho kelán'ák, sakcha'áletkók, tén han ma'a kaxwe ekpalleyam nak. Apkelnapchek axta han weyke, yámelyeheykok, tén han nepkések.

Ester 8:5

Axta entáhak eyáneya s'e: —Wesse', leyawók agkok apwáxok, apxéna enxoho ekpéwo m'a aqsok sélmaxneyeykha, ektáha enxoho naqsók semámenyého ko'o exchep wesse' tén han seyásekhayo, etaxés sa' weykcha'áhak appeywa yaqwayam sa' kamasseksek ma'a weykcha'áhak apcháphasso axta Amán apkeltémo kólmasséssók judíos ma'a ekyókxoho apchókxa aptémakxa nak chá'a exchep wesse' apwányam,

Ester 9:1

Axta ekxénamaxchexa katnehek apkeltémókxa axta katnehek wesse' apwányam ma'a ekhem trece, pelten doce, éltamhomaxchexa axta Adar. Cháxa ekhem apkelhaxanmakxa axta nahan elmok katnaha apnámakkok ma'a judíos. Axta eyke katnahak xa ektáha nak, judíos axta pehewokmok apkelyennaqte.

Ester 9:5

Sókwenaqte axta nahan apkelmáha judíos apkelnapa apyókxoho m'a apkelenmexma nak; apsawhawók axta m'a apyókxoho nak, apteméssessek axta chá'a m'a apmakókxa enxoho chá'a etnéssesek.