Ester 2:3 - Biblia Enxet

³ Wesse' apwányam, enegkenek sa' xép énxet, apkelyéseykha kelán'a étkók ma'a ekyókxoho apchókxa aptémakxa nak chá'a wesse' apwányam, yaqwayam sa' enaqlanták ekyókxoho m'a tegma apyawe agkok nak ma'a kelán'ák, appekkenmakxa nak xép tegma apyennaqte apagkok ma'a Susa. Sa' kólteméssesek nahan apkeltaqmelchesso m'a Hegai, énxet yágkelwána apkeláneykha nak ma'a wesse', apkeltaqmelchesso nak chá'a m'a kelán'ák. Hegai sa' nahan elmésagkok ma'a pánaqte yaqwayam enxoho katnahagkok éltaqmalma agko',

Ester 2:3 Referans Kwoze

Ester 2:4

keñe sa' ma'a kelán'a étkok ekleyókxa agko' enxoho apwáxok xép wesse', etnéssesek wesse' ekwányam, ekyaqmagkasso m'a Vasti. Leyawók axta apwáxok wesse' apwányam ma'a yaqwánxa axta etnahagkok, tén axta ektáha xa ektáha nak.

Ester 2:19

Apheyk axta nahan apátog wesse' apwányam apxagkok apyawe Mardoqueo m'a ekhem kélnaqleykekxexa axta chá'a mók apwáxok tegma apyawe agkok ma'a kelán'a étkók.

Ester 2:5

Aphegkek axta nahan xama judío m'a tegma apyennaqte nak Susa apwesey axta Mardoqueo, Jaír axta apketche, Simí axta aptáwen neptámen tén han Quis, apteme axta apkeñama nepyeseksa m'a Benjamín énxet'ák apagkok.