Esdras 9:8 - Biblia Enxet

⁸ Segásekhayo eyke keñamak xép Dios Wesse' egagkok, apkeltémo elmallánek neghekha negko'o, tén han hegwetaksek negko'o negheykegkaxa m'a xapop ekpagkanamaxche nak; egmeyásekxeyk makham xép axnagkok negweteykekxa', egméssek makham ketsék néllókasso nélyampe neyseksa nenteme sẽlásenneykha naqsa.

Esdras 9:8 Referans Kwoze

Salmos 13:3

Dios Wesse' ahagkok, ¡hélano, heyátegmowák, hewasqakkásekxoho, tén sa' meytnemek ma'a aphagweykemxa nak apkeletsapma!

Oseas 6:2

Ekmanyehe agko' sa' hẽlmeyásekxak nélyennaqte, hẽlchampásekxak sa' néten, yaqwayam sa' aghakha nápaqto'.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Salmos 85:6

¿Mehẽlmeyásekxeya sa' makham negko'o nélyennaqte, yaqwayam sa' kalpayhekxak negko'o egwáxok, nentáha nak énxet'ák apagkok eñama exchep?

Zacarías 10:4

Sa' eleñék elántépok énxet aphémo nak Meteymog Élyennaqte Kélchenegkessamól'a chá'a Máséyak ma'a, tén han ma'a aphémo nak Yámet Élmahamtakcha'a Kélatchessamól'a Xapop kólnaqtétek kélpakxanma tén han ma'a apho nak Yágke Kélanchessól'a Kempakhakma. Sa' eleñék elántépok nepyeseksa apyókxoho m'a kempakhakma yapmeyk.

Zacarías 8:12

Hakte kapekkenaxchek sa' nepyeseksa m'a meyke ektáhakxa apheykha. Keyxek sa' nahan ma'a anmen yámet kélcheneykekxa; katekkesek sa' ekyexna kélcheneykekxa m'a xapop; keñe sa' néten, kategkesek yálye. Almésagkok sa' ko'o, cháxa ekyókxoho nak yaqwayam etnehek apagkok ma'a énxet'ák apkeleymomap nak makham.

Zacarías 8:6

Yának sa' megkatnehek ekyókxoho énxet'ák ahagkok apkeleymomap nak, ekwokmo sa' xa ekhem nak; wának sa' eyke ko'o katnehek xa. Ektáhak ko'o sekpeywa, sektáha nak Wesse' ekha sekyennaqte s'e:

Ezequiel 14:22

Apqántawók sa' aqsa eleymakpok meletsapma, yaqwayam sa' elántépok yetlo apketchek apkelennay'a m'a tén han ma'a kelwán'ák nak. Apkelya'awékteyk sa' agkok kéxegke m'a, kólwetak sa' apkeltémakxa tén han ma'a aqsok ekmaso apkelánéyak, keñe sa' kaltaqmelchessásekxak kélwáxok kéxegke m'a nenlegeykegkoho seyáphasso nak ko'o m'a Jerusalén.

Jeremías 44:14

Melegketakpek sa' xama enxoho m'a énxet'ák Judá, apkeleymomap axta, apkelmahéyak apkelhayam ma'a Egipto, méko sa' xama enxoho yeymakpok. Emáwhok sa' eyke elmeyenták makham Judá, yaqwayam elhaták makham ma'a, melwateyk sa' eyke, melxeganakmo enxoho apqántawo.’”

Jeremías 42:2

ma'a Dios appeywa aplegasso Jeremías, axta aptáhak apcháneya s'e: —Peyk negko'o exchep ólmaxnak xama aqsok; hẽlyahakxoho sa': Hẽlmaxnésses negko'o Dios Wesse' apagkok, néleymomáxche nak egqántawo'. Nenxámók axta eykhe negko'o, egqántawók eyke kaxwók néleymomáxche', ekhawo ektémakxa nak xép apwet'a.

Isaías 56:5

almésagkok sa' ko'o aqsok éltaqmalma agko' megkaxnawo nak ma'a kélketchek apkelennay'a nak tén han ma'a kelwán'ák nak; almések sa' ko'o yaqwayam kaxnagkok apkelwesey kélnaqtáxéséyak meyke néxa m'a kañe' tegma appagkanamap ahagkok nak, cham'a kañe' nak meteymog kélhaxta nepyáwa exagkok; almések sa' meyke néxa apkelwesey, yaqwayam sa' megkamassésaxcheyk xama enxoho.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Eclesiastés 12:11

Énxet apkelya'áseykegkoho nak aqsok, máxa yámet élmahantal'a naw'a m'a apkelxeyenma nak aqsok, kélánchásekxeyk agkok ma'a apkelxeyenma nak aqsok, máxa láwa élmahantal'a naw'a kélatcháseyak nak aqsok katnekxa', cham'a apkelatcháseyak la'a xama apkeláneykha nepkések.

Salmos 138:7

Ekwet'ak agkok chá'a ko'o ekmaso sekha, megyohok chá'a watsapok; apmopwána chá'a emha, keñe hewagkasek chá'a teyp setaqnawaya enxoho m'a sélenmexma.

Salmos 34:5

Kalpayhekxohok agko' chá'a apkelwáxok ma'a apkelye'eykekxa nak Wesse' egegkok, kamassegwomhok agko' nahan chá'a apkelmegqakto.

Job 33:30

elwagkasek chá'a teyp megyánhek yetsapok, elenxánegkesho aqsa chá'a apweynchámeykha élsakókxa exma'.

Nehemías 9:31

Apkelásekhayo ekyawe axta eyke keñamak memassésseykmo apyókxoho, tén han mekxakhama; hakte xép apteme Dios ektaqmeleykha apwáxok, tén han apmopyósa henlano'.

Nehemías 1:11

Wesse', éltamhók exchep yeyxhok sélmaxnagko, tén han apkelmaxneyéyak ma'a apkeláneykha, apkelmopmenyého nak chá'a etnehek apcháyo exchep. Éltamhók han hegkések yaqwayam katyapok ma'a aqsok sekmámenyého, yaqwayam enxoho kataqmalmakha apwáxok hélanok ko'o m'a wesse' apwányam.”

Esdras 9:9

Sẽlásenneykha naqsa eykhe negko'o, makke hegyenseykmok xép neyseksa sẽlásenneykha naqsa; enxekmóssegkek segásekhayo nápaqta'awók ma'a kelwesse'e apkelwányam nak Persia, egméssegkek nélyennaqte yaqwayam anxátekhásekxak tegma appagkanamap apagkok nak xép, neyseksa aptamheykekxa nápakha'a apketkók, ¡egméssegkek yaqwayam ólmeyawaxchek se'e Judá nak, tén han Jerusalén!

2 Reyes 19:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

1 Samuel 14:29

Axta aptáhak apchátegmowágko Jonatán: —Asagkek apteméssesakxa énxet'ák egagkok ma'a táta. Hélano ko'o, ekyennákxók natámen sekto s'e yányawhéna' nak,

1 Samuel 14:27

Keñe axta Jonatán, meñé axta aptáhakxa apteméssesso naqsók appeywa m'a apyáp apmésso m'a sẽlpextétamo, apya'asa yámet apmeykha axta, apkeltekxeya naw'a pápa' apagkok yányawhéna', aptókek axta han, yetlókok axta han apyenneykekxoho makham.

Proverbios 29:13

Aphawók pók ma'a aptawáseykegkoho nak chá'a pók, tén han ma'a kéltawáseykegkoho nak chá'a: hakte Wesse' egegkok axta apkeláneséyak apaqta'ák yaqwayam elwetak exma'.

Isaías 14:3

Énxet'ák Israel, apkellókassessek sa' agkok kéxegke kélyampe Wesse' egegkok eñama m'a ektémakxa nak kéllegeykegkoho, tén han ekyentaxnamo kélwáxok tén han kélmésso ekyentaxno agko' kélteme m'a kélásenneykha naqsa,

Salmos 13:4

¡Yaqwayam sa' metnehek elpaqmétek sélenmexma nak: “Meheghawo'!” ¡Yaqwayam sa' megkalpayhekxeyk apkelwáxok setnégwokmoho enxoho exma ekmaso!

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Sofonías 3:12

Alheyásekxak sa' ko'o kélnepyeseksa kéxegke m'a énxet'ák kéltemessáseykekxa nak meyke éleymáxkoho apkelwáxok tén han mékoho, yaqwayam sa' melya'ássók ma'a sekwesey nak.