Esdras 8:16 - Biblia Enxet

¹⁶ Keñe axta séláphasa m'a Eliézer, Ariel, Semaías, Elnatán, Jarib, Elnatán, Natán, Zacarías, tén han Mesulam, aptamhéyak axta énxet'ák ekha kélyeheykekxoho, tén han ma'a apkelxekmósso nak apnámakkok, cham'a Joiarib, tén han Elnatán,

Esdras 8:16 Referans Kwoze

Daniel 2:21

Cham'a apyaqmagkasso chá'a ektémakxa ekhem ma'a tén han ektémakxa nak chá'a aqsok ekteyapma; cham'a apnegkenma chá'a kelwesse'e apkelwányam, tén han apkelántekkesso chá'a, cham'a apkelmeyáseyak chá'a apkelmopwancha'a m'a ekha nak chá'a apkelmopwancha'a, tén han apkelya'áseyak chá'a aqsok ma'a apkelya'áseyak nak chá'a aqsok.

Proverbios 28:2

Apkelánegkek agkok chá'a melya'assáxma xama apchókxa, eyaqmagkasagkok chá'a pók ma'a apkelwesse'e apkeláneykha nak apchókxa, keñe aptáha enxoho apkemha apmonye' m'a énxet apya'áseykegkoho nak chá'a apkeláneykekxa aqsok, kataqmelek chá'a ekxega m'a apchókxa.

Proverbios 20:5

Máxa yegmen ekmattawóneg la'a m'a ektémakxa nak élchetámeykha apwáxok énxet, ékpelkohok eyke chá'a m'a énxet apmopwána nak chá'a aqsok.

Proverbios 2:6

Hakte Wesse' egegkok keñamak segmésso ektémakxa negya'ásegwayam aqsok; tén han sẽltámeye, keñe han negyekpelchémo.

Esdras 10:39

Selemías, Natán, Adaías,

Esdras 10:21

Maaseías, Elías, Semaías, Jehiel, tén han Ozías, Harim axta aptawán'ák neptámen.

Esdras 8:18

Dios axta keñamak segyentegkásento m'a Serebías, énxet apmopwána axta aqsok, aptáwen neptámen axta m'a levita apwesey axta Mahli, yetlo apketchek tén han apkelyáxeg'a, dieciocho axta apyókxoho.

Esdras 8:13

tén han Elifélet, Jeiel, Semaías, néxa aptawán'ák neptámen axta m'a Adonicam, yetlo sesenta énxet'ák apkelxegexma'a, apkeltaqhémo axta axayo'.

2 Crónicas 2:12

“¡Apcheymákpoho sa' kólteméssesek Wesse' egegkok, Dios apagkok nak Israel, apkelane axta néten tén han keso náxop, hakte apméssegkek xama apketche m'a David apmopwána aqsok, apya'áseykegkoho aqsok, tén han apyekpelchémo aqsok, peya nak elanaksek xama tegma appagkanamap Wesse' egegkok apagkok, tén han elának xama tegma apyawe yaqwayam exek chá'a!

1 Crónicas 26:14

Selemías axta pehewokmok yaqwayam etnehek aptaqmelchesso m'a átog ekpayho nak ekteyapmakxa ekhem, keñe m'a apketche apwesey nak Zacarías, apteme axta ektaqmalma chá'a apmésso appeywa m'a apnámakkok, ekpehewokmo m'a ekpayho nak nexcheyha.

1 Crónicas 12:32

Doscientos apkelámha apmonye'e axta m'a Isacar énxet'ák apagkok, yetlo m'a apyókxoho apnámakkok ektáha axta apkeláneykha. Énxet'ák apkelya'áseykegkoho axta ekpayhókxa chá'a elanagkok ma'a énxet'ák Israel.

1 Reyes 3:11

keñe aptáha apcháneya s'e: “Élmaxnakkek xépxa aqsok nak, keñe mehélmaxneya m'a yaqwayam kawegqohok apha, tén han yaqwayam kaxámagkok aqsok apagkok, tén han yaqwayam yának etekyók ma'a apkelenmexma, wánxa aqsa sélmaxneya m'a apya'áseykegkoho nak, yaqwayam enxoho yepwának chá'a yeyxho', tén han eltaqmelchesek chá'a énxet'ák,

Esdras 8:15

Ko'o Esdras, eyánchásekxeyk axta apyókxoho xa énxet'ák nak, cham'a nekha nak yegmen atamnek ekmahéyak nak ma'a wátsam Ahavá, negheykmek axta han ántánxo ekhem ma'a. Xama axta sélyetseta énxet'ák, tén han apkelmaxnéssesso Dios énxet'ák apagkok, axta ót'ak xama enxoho levitas.

Esdras 8:17

séltamho ey'ammok ma'a Idó, apteme axta apkemha apmonye' m'a yókxexma ekwesey nak Casifiá, éltennássek axta ekyókxoho séltamhókxa etnehek yának ma'a Idó, yetlo apkelxegexma'a, tén han ma'a apkeltamheykha nak tegma appagkanamap, apheykencha'a nak ma'a Casifiá, yaqwayam enxoho hennaqlantagkasek énxet sempasmo néltamheykha m'a Dios egagkok nak tegma appagkanamap apagkok.