Esdras 2:68 - Biblia Enxet

⁶⁸ Yetneyk axta han pók xama chá'a apkelámha apmonye'e nak aphawóxama, apkelmésso chá'a aqsok apkelmésso naqsa yaqwayam kólxátekhásekxak makham Dios tegma appagkanamap apagkok ma'a nanók apyetnamakxa axta, cham'a sekxók apkelwákxo axta m'a Jerusalén, Wesse' egegkok nak tegma appagkanamap apagkok.

Esdras 2:68 Referans Kwoze

Éxodo 36:3

Apkelméssek axta Moisés aqsok kélmésso naqsa apkelseykenta axta m'a israelitas, yaqwayam enxoho yeynhok kaxwo' apkelánéyák ma'a eyéméxchexa nak chá'a aqsok yaqwayam kólmaha m'a kélpakxanma appagkanamap. Apkelsánteyk axta aqsa chá'a makham yókxoho ekhem aqsok apmésso naqsa apagkok ekxeyenma agko' nak chá'a apwáxok elsanták ma'a israelitas.

Éxodo 35:29

Apkelsántegkessek axta aqsok apmésso naqsa apagkok ekxeyenma agko' nak chá'a apkelwáxok yaqwayam egkések Wesse' egegkok ma'a apyókxoho israelitas ekweykekxoho m'a kelán'ák, cham'a apmáheyo axta chá'a epasmok apkelánéyák ma'a aqsok apkeltémo axta elának Wesse' egegkok ma'a Moisés.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Esdras 3:3

Apxátekhásekxeyk axta ekwatnamáxchexa aqsok ma'a nanók ekyetnamakxa axta, hakte apkeláyak axta m'a énxet'ák apheykha axta m'a yókxexma nak, yókxoho axto'ók axta chá'a elwatnések aqsok kélnaqtósso m'a Wesse' egegkok, tén han yókxoho taxnám.

2 Crónicas 3:1

Apcheynamók axta apkelánesso Salomón Wesse' egegkok tegma appagkanamap apagkok ma'a Jerusalén, cham'a egkexe nak Moria, apxekmowásamákpexa axta Wesse' egegkok ma'a David, apyáp axta, cham'a apkelyessáseykegkaxa axta yaqwayam étek ma'a David, apkexakkassamakxa axta chá'a apyempe'ék hótáhap apaktek ma'a Ornán, apteme axta jebuseo.

1 Crónicas 22:1

Aptáhak axta David se'e: “Sa' étek Dios Wesse' egegkok tegma appagkanamap apagkok se'e, keñe han ma'a ekwatnamáxchexa nak chá'a aqsok, yaqwayam etnehek apagkok ma'a énxet'ák Israel.”

1 Crónicas 21:18

Keñe axta Wesse' egegkok apchásenneykha apkeltamho eltennássekxak Gad ma'a David, yaqwayam elának xama aqsok ekwatnamáxchexa Wesse' egegkok apagkok, cham'a yókxexma aptekxekxamakxa axta hótáhap ma'a Ornán, apteme axta énxet jebuseo.

Éxodo 25:2

“Eltennasák sa' israelitas, heyánchessesha sa' ko'o aqsok apmésso naqsa apagkok. Sa' eyke yánchásekxak aqsa nepyeseksa m'a apyókxoho apmáheyo apagko' nak chá'a egkések, tén han ma'a ekmáheyo agko' nak chá'a apwáxok.

Esdras 2:67

cuatrocientos treinta y cinco yányátnáxeg, keñe seis mil setecientos veinte yámelyeheykok.

Esdras 2:69

Apkelméssek axta han cuatrocientos ochenta y ocho kilos sawo ekyátekto ekmomnáwa, keñe dos mil setecientos cincuenta kilos ma'a sawo ekmope ekmomnáwa nak, keñe cien apkelántaxno apkelwenaqte nak ma'a apkelmaxnéssesso Dios énxet'ák apagkok, yaqwayam enxoho kólpasmok kélláneykekxa tegma, ekyetnakxa enxoho chá'a xama énxet.

Éxodo 35:21

tén axta m'a apyókxoho ektáha axta chá'a ekxeyenma apwáxok elmések aqsok, apkelya'aweykteyk axta chá'a yetlo apkelseykenta aqsok apkelmésso naqsa m'a Wesse' egegkok, yaqwayam enxoho elanakpok ma'a kélpakxanma apchaqneykekxexa nak chá'a énxet'ák tén han ma'a ekyókxoho aqsok eyéméxchexa nak chá'a, tén han ma'a apáwa apkeltaqmalma apagko' nak.

Esdras 9:9

Sẽlásenneykha naqsa eykhe negko'o, makke hegyenseykmok xép neyseksa sẽlásenneykha naqsa; enxekmóssegkek segásekhayo nápaqta'awók ma'a kelwesse'e apkelwányam nak Persia, egméssegkek nélyennaqte yaqwayam anxátekhásekxak tegma appagkanamap apagkok nak xép, neyseksa aptamheykekxa nápakha'a apketkók, ¡egméssegkek yaqwayam ólmeyawaxchek se'e Judá nak, tén han Jerusalén!