Esdras 1:1 - Biblia Enxet

¹ Aptamháha axta apwáxok Wesse' egegkok ma'a Ciro, wesse' apwányam nak Persia, yaqwayam eñeksek ekyókxoho aptémakxa nak wesse' apwányam ma'a appeywa, tén han aptáxésso, keso segánamakxa apagkok nak, cham'a ekwokmo axta xama apyeyam apteme wesse' apwányam, yaqwayam enxoho katnehek ma'a Wesse' egegkok appeywa aplegassama axta m'a Jeremías:

Esdras 1:1 Referans Kwoze

Jeremías 29:10

“Aptáhak Wesse' egegkok se'e: ‘Wokmek sa' agkok setenta apyeyam ma'a Babilonia, kaxénekxak sa' ko'o makham ewáxok kéxegke, alának sa' ma'a aqsok sekxeyenma axta alána', wának sa' kólchexyók makham se'e yókxexma nak.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Esdras 7:27

Yetlókok axta han apteme apkelmaxnagko Esdras se'e: “Apcheymákpoho sa' chá'a kólteméssesek Wesse' egegkok, Dios apagkok nak ma'a ẽlyapmeyk, hakte appaknegkessekmók apwáxok wesse' apwányam apteméssesa xa ektáha nak, apmésa yaqwayam etnehek apcháyo m'a Wesse' egegkok nak tegma appagkanamap apagkok, apyetnama nak Jerusalén,

Salmos 106:46

¡apkeltamhók axta han kapyóshok elanok ma'a ektáha nak apkelma!

Esdras 6:22

Siete ekhem axta han apkeláneyak yetlo élpayheykekxa apkelwáxok ma'a apkelsawássessamo nak kelpasmaga meyke kempáseyak, hakte Wesse' egegkok axta apkelpeykessásekxak agko' apkelwáxok, apkeltamho kataqmalmakha apwáxok elanok ma'a wesse' apwányam Persia, tén han epasmok apxátekháseykekxa m'a Dios tegma appagkanamap apagkok, Dios nak Israel.

Daniel 2:1

Apweteyak axta chá'a apwanmagko Nabucodonosor, ekweykmo axta apqánet apyeyam apteme wesse' apwányam, yetnakhassamók axta apwáxok xa apwanmagko nak, mopwanchek axta apmáheyo etyenek.

Esdras 1:5

Apkelánekxeyk axta aptamhágkaxa yaqwayam eltaqhohok Jerusalén, tén han elánegwakxak Wesse' egegkok tegma appagkanamap apagkok ma'a apkelámha apmonye'e nak Judá énxet'ák apagkok, tén han ma'a Benjamín énxet'ák apagkok, tén han ma'a appasmo nak apkelmaxnéssesso Dios énxet'ák apagkok, tén han levitas, cham'a apyókxoho Dios axta apmésso yaqwayam kalxének makham apkelwáxok eltaqhoho'.

Esdras 4:3

Keñe axta Zorobabel, tén han Josué, tén han ma'a apkelámha amonye'e nak apnámakkok israelitas, aptáha apkelátegmowágko s'e: —Mogwanchek negko'o anxátekhásekxak xamók kéxegke m'a Dios egagkok nak tegma appagkanamap apagkok. Enxakcha'awók aqsa negko'o egwanchek anxátekhassásekxak ma'a Wesse' egegkok nak tegma appagkanamap apagkok, Dios nak Israel, hakte axta apkeltémók antéhek negko'o m'a Ciro, wesse' apwányam nak Persia.

Esdras 6:3

“Xama apyeyam axta weykmok apteme wesse' apwányam Ciro, apkeltémo chá'a katnehek se'e: ‘Kólxátekhásekxak sa' makham ma'a tegma, kólnegkenekxak sa' makham meteymog ma'a apowhók nak, cham'a Dios tegma appagkanamap apagkok nak Jerusalén, yaqwayam sa' kólmések chá'a aqsok kélnaqtósso kélnapma m'a. Veintisiete metros sa' katnehek ekmahéyak néten, veintisiete metros sa' nahan appayhakxa';

Esdras 6:14

Cháxa ektémakxa axta apxegkessama aqsa apkeltamheykha apxátekháseykekxa tegma m'a apkelámha apmonye'e nak judíos, aptémakxa axta apkelxeyenma m'a Dios appeywa apkellegasso, cham'a Hageo tén han Zacarías, Idó axta apketche. Appenchásamákpek axta kélxátekháseykekxa m'a tegma appagkanamap, apkeltémókxa axta etnahagkok ma'a Dios apagkok nak Israel, apkeltémókxa axta han etnahagkok ma'a Ciro, Darío, tén han ma'a Artajerjes, kelwesse'e apkelwányam axta m'a Persia.

Isaías 44:28

Ektáhak ko'o seyáneya Ciro s'e: ‘Xép apteme keláneykha nepkések ahagkok, xép sa' elának chá'a ekyókxoho m'a sekmámenyého nak chá'a ko'o’; ektáhak nahan seyáneya Jerusalén se'e: ‘Kóllánekxak sa' makham xép’; keñe tegma appagkanamap sektáha seyáneya s'e: ‘Kólnegkenchesek sa' kóneg xép yaqwayam keynnaqtések.’”

Jeremías 1:1

Keso Jeremías axta appeywa s'e tén han aqsok apkelane, cham'a Hilquías axta apketche. Jeremías axta apteme apkeñama xama nepyeseksa m'a apkelmaxnéssesso Dios énxet'ák apagkok apnámakkok, apheykencha'a axta m'a Anatot, yókxexma apagkok nak ma'a Benjamín énxet'ák apagkok.

Ezequiel 38:5

Elyetlók sa' nahan ma'a énxet'ák apkeleñama nak Persia, Etiopía tén han ma'a Libia, yetlo nahan apkeláhakkásamap apyókxoho xa tén han apkelatchesso apqatkok sawo.

Daniel 6:25

Tén axta wesse' apwányam Darío apnaqtáxessásegko weykcha'áhak ma'a apyókxoho énxet'ák, tén han ektémakxa axta chá'a apkelpeywa m'a apchókxa', aptáha apkeláneya s'e: “Émenyeyk ko'o katnehek meyke ektáhakxa kélheykha kéxegke tén han ektaqmalma,

Daniel 9:2

Ko'o Daniel, élányók axta ko'o weykcha'áhak apagkok axta m'a Dios appeywa aplegasso Jeremías, ekxeyenma axta yaqwayam kawomhok setenta apyeyam kélmassésseyam ma'a Jerusalén, apkeltennassama axta Wesse' egegkok ma'a aplegasso appeywa Jeremías.

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Daniel 1:21

Keñe axta apheykekxo Daniel ma'a ekwokmoho aptáha xama apyeyam apteme wesse' apwányam ma'a Ciro.