Eclesiastés 9:16 - Biblia Enxet

¹⁶ Ekxénchek ko'o ektaqmela antéhek ekha negya'áseyak aqsok, megkaxnawok antéhek magaye aqsok, neyseksa eykhe megkahaxnamáxkoho aptáhakxa appeywa m'a énxet meyke nak aqsok apagkok ekha nak apya'áseyak aqsok, tén han megkamáxko enxoho chá'a takha' aptáhakxa.

Eclesiastés 9:16 Referans Kwoze

Eclesiastés 7:19

Kagkéshok chá'a apyennaqte negya'áseykegkoho nak aqsok ma'a énxet ekha nak apya'áseyak aqsok, kaxnók ma'a diez apkeltaqmelchesso nak chá'a xama tegma apwányam asextók chá'a katnehek apkelyennaqte.

Proverbios 24:5

Tásek etnehek apya'áseykegkoho aqsok ma'a énxet, kaxnók etnehek ma'a apyennaqte; tásek antéhek ma'a negya'ásegwayam aqsok, kaxnók antéhek ma'a ekyennaqte nak egyempe'ék,

Proverbios 21:22

Emok chá'a énxet apya'áseykegkoho aqsok ma'a tegma apyawe apmasma nak chá'a m'a énxet'ák apkelyennaqte, elyaqnegkessesek chá'a m'a kélhaxtegkesso apkelásenneykekxo nak chá'a m'a.

Eclesiastés 9:18

Yeykhágweykmók negya'áseyak aqsok ma'a kélmeykha nak kempakhakma. Ketsék magaqhémo aqsok, xámok katnehek eknaqtawáseykha aqsok.

Proverbios 10:15

Ekxámokma aqsok apagkok chá'a yásenneykxak ma'a apkelwesse'e nak; meyke aqsok apagkok akke chá'a kasexnenak ma'a meyke nak aqsok apagkok.

Proverbios 8:14

Kalchetamha chá'a sekxók ko'o ewáxok, keñe keytlawhok chá'a sélane, ko'o sekteme sekyekpelchémo aqsok tén han sekyennaqte.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.

Eclesiastés 10:10

Méko agkok ahamtek póte, tén han megkólmaxneyeykha nak chá'a, kólwasqáphok chá'a kólmaha. Tásek anlának aqsok ektaqmela yetlo negya'áseykegkoho.