Eclesiastés 9:10 - Biblia Enxet

¹⁰ Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Eclesiastés 9:10 Referans Kwoze

Salmos 6:5

Mopwanchek xép kaxének apwáxok ma'a apketsapma nak; ¿Yaqsa kalpeykeshok xép ma'a takhaxpop nak?

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Jeremías 29:13

Hélchetmok sa' chá'a, hélwetekxak sa' nahan chá'a, hakte hélchetmok sa' ekweykmoho kañók agko' kélwáxok.

Eclesiastés 11:3

Kelyaweykxeyk agkok yaphope, keytlawhok nahan ekmámeye keso náxop. Kelyaqnenágkek agkok yenta'a ekpayho nak nexcheyha, essenhan ekpayho nak nepyeyam, kaxnagkokxa aqsa chá'a m'a élyaqnenakxa enxoho.

Nehemías 4:2

aptáha appaqmeta nápaqta'awók apkelxegexma'a, tén han sẽlpextétamo nak Samaria: “¿Yaqsa apmako elanagkok makham xa judíos meyk át'ák nak? ¡Apkeneykek kexa kólhok makham elwatnek aqsok apnaqtósso apkelnapma! ¡Apkeneykek kexa yepwának epenchesagkok apkeltamheykha xama ekhem! ¡Apkeneykek kexa elwetekxak makham axnagcha'ák meteymog ektaháneykekxo nak mók nekha'a étkók kélwatno axta nano'!”

Nehemías 4:6

Nenlenxanakmók axta aqsa negko'o nenxátekháseykekxa m'a tegma kélhaxtegkesso nak, ekweykmo axta náxet kélya'asso néten, apkeltamháha axta énxet'ák yetlo apmáyheykegkoho apagko'.

1 Crónicas 22:19

Kólteme sa' kaxwók naqsók agko' yaqwayam kóltéhek kélláneykha m'a Dios Wesse' kélagkok. Kóllánekxa sa' kaxwók kéltáhakxa yaqwayam kóllanaksek tegma appagkanamap apagkok ma'a Dios Wesse' egegkok, yaqwayam enxoho kólsakxak yántéseksek ekhémo mók nélpaqhetchásamáxkoho apagkok nak Wesse' egegkok, keñe han ma'a aqsok kélmeykha kélpagkanchesso nak Dios, kólnegkenwom sa' ma'a tegma appagkanamap apmako nak elanakpok yaqwayam kóllanaksek ma'a Wesse' egegkok.”

Nehemías 2:12

ekxátekha'ak axta axta'a, yetlo sélxegexma'a m'a nápakha énxet'ák, axta eyke altennásak xama enxoho apkeltamhókxa ko'o Dios atnéssesek ma'a Jerusalén. Wánxa axta aqsa sekyentama ko'o m'a seyánte seyánta axta.

1 Crónicas 28:20

Aptáhak axta David apcháneya m'a Salomón: “¡Ewasqápekxoho ná eyelqáp, etneykha kaxwo'! ¡Nágkaleklágwom aqsa, nágkatneykha han apwáxok, hakte Dios Wesse' ahagkok nak ko'o sa' etnehek apxegexma exchep! Meyenyewek sa' xép ma'a, ekwokmoho appenchásekpo apkelánamap ma'a tegma appagkanamap nak.

Números 13:30

Tén axta Caleb apkelwanmeyásekxo m'a énxet'ák apchaqneyncha'a axta apmonye' m'a Moisés. Aptáhak axta apkeláneya s'e: —¡Ólmahagkok heykxa m'a xapop nak! ¡Agmok sa'! ¡Egwanchek sa'!

Génesis 37:35

Kelenxáneykmek axta eykhe kapeykessásekxak apwáxok ma'a apketchek apkelennay'a tén han kelwán'ák, mopmenyeyk axta eyke kólpeykessásekxak apwáxok; apkelekxagweykha axta aqsa apketamsama apketche, aptéma s'e: “Alenxanmohok sa' aqsa sélapwayam sétamso hatte, ekwokmoho sektahanyeykxo m'a apkelmaheykegkaxa nak apkeletsapma.”

1 Samuel 10:7

Temék sa' agkok xép xa ektáha nak, etne sa' ma'a ekpayhókxa nak etnehek, hakte Dios sa' epasmok.

Job 21:13

Elmassegwók chá'a yetlo ektaqmalma apheykha; elántexek chá'a takhaxpop yetlo meyke ektáhakxa'.

Isaías 38:10

Axta temék ko'o élchetamso ewáxok se'e: Axog sa' ko'o sektáhakxoho étkok; eyáneyáxcheyk amhagkok apkelmaheykegkaxa nak chá'a apkeletsapma neyseksa eykhe makham ekxámokma ekhem sekha.

Job 10:21

amonye' sekxega meyke sekweyktamho chá'a, amonye' sekmahéyak ma'a ekyáqtéssamakxa agko' nak exma',

Job 10:22

ekyetnamakxa nak ekho pessesse, magya'áseyak nak ektémakxa', ekyetnamakxa nak ekyáqtésso exma.

Proverbios 3:28

Ná eleyxches chá'a saka epasmok ma'a pók, eyeyméxchexa nak chá'a aqsok sakhem.