Eclesiastés 9:1 - Biblia Enxet

¹ Ekmeyásamáxkók ahagko' axta ko'o s'e ekyókxoho aqsok nak, wánxa axta aqsa ko'o sekweteykekxo Dios ektáha chá'a appékessáseyak aptamheykha énxet ektaqmalma nak aptémakxa, tén han ma'a énxet apya'áseykegkoho nak aqsok. Méko enxama apya'ásegkoho m'a ektémakxa nak negásekhayo, tén han ma'a nentaqnagkamakxa nak, étak eykhe chá'a ektémakxa.

Eclesiastés 9:1 Referans Kwoze

Deuteronomio 33:3

Apkelásekhayók énxet'ák apagkok ma'a Wesse' egegkok, elmeyawhok ma'a ektáha nak chá'a apkelpagkanchásamap; apkelháxaheykegkek nahan chá'a apmonye' s'e énxet'ák nak apmomchek nahan chá'a takha' m'a apkeltémókxa nak chá'a etnahagkok.

Eclesiastés 8:14

Cháxa ektémakxa nak aqsok ekyeyháxma keso náxop, ellegagkohok chá'a m'a énxet'ák éltaqmalma nak chá'a apkeltémakxa, máxa chá'a kólteméssesek ma'a apkeláneyak nak aqsok ekmaso, keñe ma'a énxet'ák élmasagcha'a nak apkeltémakxa, tásek chá'a katnehek apheykha, máxa chá'a etnahagkok ma'a éltaqmela enxoho apkeltémakxa. ¡Ekxénchek nahan ko'o ekteme aqsok eyaqhémo agwetak xa!

Job 12:10

Dios apmeykha élyennaqte ekyókxoho aqsok ekha nak élennama.

Isaías 26:12

Wesse', egméssegkek xép ektaqmalma negheykha; naqsók xép apkelane chá'a ekyókxoho m'a aqsok nenlanakxa enxoho chá'a.

Proverbios 16:3

Kólána chá'a epasmok Wesse' egegkok ma'a ekyókxoho aqsok kéllanakxa enxoho chá'a, keñe sa' kalanaxchek chá'a m'a aqsok kélmáheyo kóllána'.

Salmos 31:5

Éltamhók ko'o emok xép ehagák; ¡hemekxa Wesse', Dios apteme nak apmámnaqsoho!

1 Samuel 2:9

Cha'a apkeláneykha chá'a apkelmahágkaxa enxoho m'a énxet'ák apagkok melyenyaweykha nak, elmassegwók eyke aqsa chá'a ekyáqtésakxa exma m'a élmasagcha'a nak apkeltémakxa, hakte méko kawagkasek teyp ma'a ektémakxa nak ekyennaqte.

Eclesiastés 10:14

¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 8:16

Neyseksa sekmeyásamáxkoho ahagko' axta ko'o yaqwayam eykpelkohok aqsok, tén han ay'asagkohok ektémakxa, tén han alanok ma'a ekyókxoho aqsok élánamáxko nak chá'a keso náxop —agwomok chá'a naqsók ma'a magmowagkexa nak antének, ekhem, essenhan axta'a—,

Eclesiastés 7:25

Ekwasqápeykekxók axta séltémo atnehek ekha sekyekpelchémo, tén han altámesaxchek ektémakxa aqsok, tén han aktamok ma'a éleñémeykxa nak. Ekyekpelchágweykmek axta ko'o ektáha ekmaso antéhek segyeyháxma, tén han antéhek magya'áseyak exma.

Eclesiastés 7:15

Ékeso sekweteya nak chá'a neyseksa sekweynchámeykha s'e, ektáha nak aqsok eyaqhémo agweta': emassegwomhok chá'a m'a énxet'ák élpéwomo nak apkeltémakxa, neyseksa apteme élpéwomo apkeltémakxa, keñe m'a énxet'ák élmasagcha'a nak apkeltémakxa, neyseksa eykhe apkeláneyak apkeltémakxa ekmaso, exmakha chá'a ekwenaqte agko'.

Salmos 73:3

Hakte nathayak ewáxok sélányo ektémakxa ektaqmalma apheykha m'a apkeleykmákpoho nak, tén han ma'a élmasagcha'a nak apkeltémakxa.

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

Job 5:8

Etnék agkok ko'o xa, ay'ókxak ma'a Dios, altennaksek ma'a setnamakxa nak;

Salmos 119:109

Hágkaxwe chá'a ko'o kagketagkoho watsapok, makke hélwagqeykmok ma'a nélxekmowásamáxche apagkok nak.

Eclesiastés 9:6

Cháxa ekmassegweykenxa nak ma'a apchásekhayókxa nak, tén han ma'a aptaqnagkamakxa nak, tén han ma'a aqsok apyespagkamakxa nak, mepasmekxók agko' chá'a m'a aqsok élánamáxko nak chá'a keso náxop.

Jeremías 43:6

cham'a apkelennay'a nak, kelán'ák, sakcha'áletkók, wesse' apwányam apketchek kelwán'ák, tén han apyókxoho énxet'ák apkeltémo axta elanha Nebuzaradán, apteme axta apkemha apmonye' sẽlpextétamo m'a Guedalías, ekweykekxoho m'a Jeremías, tén han Baruc.

Job 27:12

Kélweteyak agkok kéxegke kélyókxoho xa, ¿yaqsa ektéma kélpaqméteykencha'a aqsa chá'a?

Eclesiastés 8:7

mey'áseyak nak yaqwánxa enxoho chá'a katnehek, méko nahan awanchek kaltennaksek.