Eclesiastés 7:15 - Biblia Enxet

¹⁵ Ékeso sekweteya nak chá'a neyseksa sekweynchámeykha s'e, ektáha nak aqsok eyaqhémo agweta': emassegwomhok chá'a m'a énxet'ák élpéwomo nak apkeltémakxa, neyseksa apteme élpéwomo apkeltémakxa, keñe m'a énxet'ák élmasagcha'a nak apkeltémakxa, neyseksa eykhe apkeláneyak apkeltémakxa ekmaso, exmakha chá'a ekwenaqte agko'.

Eclesiastés 7:15 Referans Kwoze

Eclesiastés 6:12

Méko awanchek kaltennaksek yaqwánxa etnehek énxet neyseksa apha ekyaqwate keso náxop, cháxa apha nak, ektáha han aqsok mékoho. Máxa pessesse ekmanyehel'a chá'a kayeykhak katnehek ma'a apweynchámeykha nak. ¿Yaqsa awanchek kaltennásekxohok yaqwánxa katnehek keso náxop, cham'a natámen apketsapma?

Isaías 65:20

Méko sa' xama sakcha'a yetsapok aptáhakxoho ketchetsék ma'a kañe' nak, méko sa' nahan xama enxoho apwányam yetsapok aqsa neyseksa mewagkasso néxa apteme apwányamo. Apketsapma nak cien apyeyam apagkok exénakpok sa' apketsapma apketkok, keñe sa' ma'a mewayam nak cien apyeyam apagkok, exénakpok sa' aptaqnómap.

Eclesiastés 9:9

Ná elwátessem chá'a ekpayheykekxa apwáxok xamók ma'a kelán'a apchásekhayókxa nak, neyseksa apweynchámeykha keso náxop, Dios nak apmésso exchep, cham'a apweynchámeykha ekteme nak ekyeyháxma; wánxa sa' aqsa étak xa, neyseksa apchaqhamap aptamheykha keso náxop.

Eclesiastés 3:16

Ekweteyak nahan se'e náxop ekyetnama nentémakxa ekmaso, tén han magya'assáxma, yaqwayam eykhe keytek nentémakxa ektaqmela, tén han nentémakxa ekpéwomo.

Eclesiastés 2:23

Eñegkohok chá'a neyseksa apha keso náxop, kalya'aksek chá'a exma; weykmok han axta'a megkamassegwayam élchetamso apwáxok. ¡Cháxa ektáha han aqsok eyaqhémo agwetak xa!

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

1 Reyes 21:13

Apkelwa'ak axta han apqánet énxet élmasagcha'a apkeltémakxa, apxénchek axta han aptémakxa Nabot nápaqta'awók apyókxoho énxet'ák apkelmopwancha'a amya'a, apxéna apxéneykencha'a chá'a ekmaso m'a Dios, tén han wesse' apwányam. Yetlókok axta han kéltekkesso tegma apwányam, keñe kélaqha kélyetna'a meteymog.

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

Salmos 10:3

Kaltaqmalmakha chá'a apkelpeywa elxénmakha élmámenyého apkelwáxok ma'a élmasagcha'a nak apkeltémakxa; elwanyaha eyke chá'a Wesse' egegkok ma'a apkelmopmenyého nak exámasagkok aqsok apagkok, exénmakha chá'a ekmaso.