Daniel 9:16 - Biblia Enxet

¹⁶ Wesse' egegkok, negya'ásegkók negko'o exchep apteme segásekhayo. Elwatés aptaqnagko m'a Jerusalén, hakte xeyep tegma apwányam apagkok ma'a, cham'a egkexe ekpagkanamaxche nak. Apkesméssegkek Jerusalén ma'a apyókxoho pók aptémakxa énxet'ák apheykha nak nepyáwa', tén han ma'a énxet'ák apagkok nak, eñama mólya'assáxma tén han ma'a ẽlyapmeyk nanók axta.

Daniel 9:16 Referans Kwoze

Zacarías 8:3

Amyenták sa' ko'o makham ma'a Jerusalén, yaqwayam axek makham ma'a. Keñe sa' Jerusalén eltamhakpok Tegma Apwányam Meheyenseyam, keñe sa' ma'a egkexe ahagkok nak ko'o sektáha nak Wesse' ekha sekyennaqte, kaltamhaxchek sa' Egkexe Ekpagkanamaxche'.

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Daniel 9:20

“Élenxanakmók axta ko'o sélmaxnagko tén han séltennáseykekxoho may'assáxma Wesse' egegkok, keñe han melya'assáxma m'a sekhawóxama nak énxet'ák Israel, élmaxnakkek axta ko'o Dios Wesse' ahagkok sélmaxnéssesa m'a egkexe ekpagkanamaxche apagkok nak.

Salmos 31:1

Wesse', ekya'awekteyk ko'o exchep séltamho hetaqmelchesek; ¡nágyoho ko'o amegqeyk xama enxoho! ¡Hewagkas teyp, hakte péwók xép aptémakxa!

Salmos 79:4

Ẽlya'ásseykmek chá'a negko'o m'a apheykha nak neyáwa negókxa; ẽlasméssegkek ma'a segwakhaya nak, ẽlxéneykha nahan chá'a ekmaso.

Salmos 71:2

¡Hemallahanches, hewagkas teyp, hakte péwók xép aptémakxa! Heyeyxho ko'o, hewagkas teyp.

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Ezequiel 5:14

Jerusalén, atnessásekxak sa' ko'o exche' meteymog ektaháneykekxa mók; amegqaksek sa' nepyeseksa m'a énxet'ák apwakhaya nak neyáwa, yaqwayam sa' elanok chá'a apyókxoho m'a ektáhakxa enxoho chá'a apyeykhágwayam.

Jeremías 32:32

apyókxoho selókáséyak nak chá'a eñama aqsok ekmaso apkeláneyak ma'a énxet'ák Israel, tén han ma'a Judá, ekhawo han ma'a kelwesse'e apkelwányam apagkok nak, tén han ma'a apkelámha apmonye'e apagkok, tén han ma'a apkelmaxnéssesso nak chá'a énxet'ák apagkok, tén han apkellegasso nak chá'a amya'a, tén han ma'a apyókxoho apheykha nak Judá, tén han ma'a Jerusalén.

Jeremías 29:18

Alyetlókasha sa' kempakhakma, meyk tén han negmasse. Wának sa' ko'o elpexyennók apkelaye apkelwet'a enxoho m'a apyókxoho énxet'ák, atnessásekxak sa' ko'o éñamakxa néltémo hentemegwomhok exma ekmaso, tén han negmegqakto, xama aqsok ekpexchessamo nak egyempehek agweta' tén han segyegwakkassamo nepyeseksa m'a apyókxoho énxet'ák, sélya'assamakxa nak chá'a ko'o séxpánchessama.

Jeremías 24:9

Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso.

Salmos 143:1

Wesse', yeyxho sélmaxnagko; etaqmelchesho apháxenmo sekwóneykha. ¡Heyátegmowák, hakte xép apteme appéwomo, tén han mehenyenyaweykha!

Salmos 41:13

¡Apcheymákpoho sa' chá'a kólteméssesek Wesse' egegkok, Dios apagkok nak Israel, kaxwo' nak, tén han megkatnégwayam néxa! ¡Katnahagkok sa'!

Nehemías 9:8

Apweteyak axta exchep apteme xama énxet apcháyo m'a, apkeláneyak axta ekhémo mók apkelpaqhetchásamákpoho: apxeyenma egkések aptawán'ák neptámen ma'a cananeos apchókxa', tén han hititas, amorreos, ferezeos, jebuseos, tén han gergeseos; apkeláneyak axta han ma'a aptémakxa axta appeywa, hakte megkatnehek chá'a exchep melane m'a apxénakxa enxoho.

1 Samuel 2:7

Wesse' egegkok senteméssesso chá'a meyke aqsok egagkok, essenhan ekxákma aqsok egagkok; hempelápagkasek chá'a, hegheyásekxak nahan chá'a néten.

Salmos 85:4

Dios, Sẽlwagkasso nak teyp, ¡hẽlwagkas makham negko'o teyp, ná elenxanmagkoho sẽltaqnawéyak!

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Jeremías 32:31

Selókaséyak aqsa chá'a ko'o aptemék se'e tegma apwányam nak, eyeynamo m'a sekxók axta apkelánamákpo, ekwokmoho makham se'e kaxwo nak. Cháxa keñamak peya nak ko'o amasséssók,

Daniel 11:45

Yának sa' kólpekkenchessók appakxanma wesse' apwányam halep nak wátsam ekwányam, teyp nak egkexe ekpagkanamaxche Ektaqmalma. Sa' eyke yetsapwók ma'a, méko sa' han kapasmok.

Salmos 89:51

Oh Wesse', ¡cháxa aptémakxa negko'o sẽltaqnagkama m'a apkelenmexma nak xép! ¡cháxa aptémakxa aptaqnagko m'a apkelyéseykha nak xép!

Ezequiel 22:4

Sexnenakkek xép ma'a apkelnapma énxet, tawáseykha m'a kéleykmássesso apkelane axta; chágketchessessa'ak ma'a ekhem apagkok, wagkassessek néxa apweynchámeykha. Wának sa' ko'o exénmakha ekmaso m'a énxet'ák, apyókxoho pók aptémakxa énxet'ák sa' yesmaksek xép.