Daniel 8:13 - Biblia Enxet

¹³ “Keñe axta sekleg'a aptáha apkelmaxneyáncha'a pók Dios apchásenneykha s'e: ‘¿Háxko sa' ekwánxa katnégwók néxa kélmassésseyam élánamáxche m'a aqsok ektekyawa élánamáxche nak chá'a yókxoho ekhem? ¿Háxko sa' ekwánxa katnégwók néxa kélmésso kélnaqtawáseykegkoho m'a Wesse' egegkok énxet'ák apagkok, apheykha nak ma'a tegma appagkanamap apagkok, cham'a ekteme nak ekmaso agko' magya'assáxma?’

Daniel 8:13 Referans Kwoze

Daniel 9:27

Elának sa' ekhémo mók apkelpaqhetchásamákpoho apxámokma énxet ekweykmoho makham xama semána, emasséssók sa' eyke aqsok ektekyawa náxet semána, tén han ma'a kélmésso naqsa nak chá'a aqsok. Kalanaxchek sa' aqsok ekmaso agko' ma'a ekpayhókxa nak ekyetnamakxa m'a ekwatnamáxchexa aqsok ektekyawa, ekwokmoho eyápekxo kélmassésseyam ekxénamaxko nak katnehek ma'a ektáha nak apkelane xa aqsok ekmaso agko' nak.’”

Daniel 11:31

“Etwasha sa' sẽlpextétamo apagkok ma'a tegma apyennaqte nak, emágwók sa' élánamáxche nak chá'a aqsok ektekyawa yókxoho ekhem, enegkenwók sa' aqsok élmasagcha'a agko' ma'a.

Daniel 4:13

“Pelakkassek axta han sekwet'a sekwanmagko xama Dios apchásenneykha apkelhaxneykha nak chá'a apwéweynto apkeñama néten,

Isaías 63:18

¡Yaqwatakxoho agko' aptemék apagkok apchókxa m'a énxet'ák apagkok apkelpagkanamap nak! Apkelteyammeykha tegma appagkanamap apagkok ma'a sẽlenmexma nak negko'o.

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Salmos 79:5

Wesse' egegkok, ¿yaqsa sa' ekhem elwataksek sẽltaqnawéyak? ¿Megkamassegwomeya sa' aplo ektémól'a táxa?

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.

Zacarías 1:19

Élmaxneyáha axta ko'o m'a Dios apchásenneykha ektáha axta sepaqhetchesso. Axta ektáhak seyáneya s'e: ¿Yaqsa aqsok xa aqsok egkepet'ák nak? Aptáhak axta seyátegmowágkokxo s'e: “Cháxa aqsok egkepet'ák ekteme ekyetchesamaxkoho apkelyennaqte m'a énxet'ák apkexpánchessama axta apkelya'assama ekyókxoho yókxexma m'a énxet'ák apheykha nak Judá, Israel tén han ma'a Jerusalén.”

Daniel 12:11

Mil doscientos noventa ekhem sa' kayeykhak eyeynamo m'a sekxók axta kélmasséssekmo m'a élánamáxche nak chá'a aqsok ektekyawa yókxoho ekhem, tén han kélpekkenwayam aqsok ekmaso agko' ma'a Wesse' egegkok tegma appagkanamap apagkok.

Daniel 7:23

Aptáhak axta s'e: “Cháxa ektáhakxa nak cuatro aqsok nawhak eklo katnehek sa' ektáhakxa nak cuatro apchókxa', peya nak katyapok keso náxop, megkaxnémo m'a ekyókxoho nekha axta. Kasáwak sa' ekyókxoho keso nélwanmeygkaxa, kanaqtawasha sa' nápakha'a apketkók sa' han katnessásekxa'.

Daniel 7:16

ekyo'ókmek axta xama énxet apkenmeykha axta han ma'a, éltamhók axta héltennaksek ekyókxoho ektémakxa xa aqsok nak. Éltennássek axta ektémakxa, aptáhak axta seyáneya s'e:

Daniel 4:23

Apwet'ak axta han xép wesse', Dios apchásenneykha appagkanamap apkelhaxneykha nak chá'a apwéweynto apkeñama m'a néten, aptáha appeywa s'e: Kólyaqnegkes yámet ekyawe nak, kólmasséssem sa', awhak sa' aqsa kóleymok tén han kepmenák; kóltehet sa' cadena sawo ekyentaxno, tén han sawo ekyexwase, katnamok sa' agkok neyseksa pa'at ma'a yókxexma. Kapálwaták sa' yálye, kapaxqak sa' agkok aqsok nawha'ák ma'a yókxexma, ekweykmoho siete apyeyam.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Salmos 74:9

Massék kaxwók nélwet'a m'a aqsok élpagkanamaxche' nélmeykegkaxa nak chá'a ólpeykesho'; méko kaxwók xama enxoho m'a aplegasso nak appeywa, magya'ásegkok han yaqwánxa katnégwók néxa xa.

Jueces 13:18

Apchátegmowágkek axta Wesse' egegkok apchásenneykha: —¿Yaqsa ektáha apkeltamho nak ey'asagkohok sekwesey? Ekwányam agko' ko'o m'a sekwesey, megkólya'asagkehe'.

Deuteronomio 33:2

Aptáhak axta s'e: “Sinaí apkeñamak ma'a Wesse' egegkok; Seír axta apkeñamak apwaya negyeseksa. Chápogwategkek axta élseyéxma apagkok ma'a egkexe Parán apxegeykmek axta apkeñama m'a Meribá-cadés; apmek apkelya'assamakxa axta ensókaseykmok ma'a segánamakxa táxa eyáléwe nak.

Salmos 74:10

Oh Dios, ¿háxko sa' ekwánxa katnégwók néxa sẽlenmexeykha m'a sẽlenmexma nak? ¿Háxko sa' ekwánxa katnégwók néxa apxéneykha ekmaso exchep?

Isaías 28:18

Kólmasséssók sa' ma'a kélhéssamo axta mók kélpaqhetchásamáxkoho m'a nétsapma, keñe sa' ma'a kélpaqhetchásamáxkoho axta m'a apkelmaheykegkaxa nak chá'a apkeletsapma, meyke ekyennaqte sa' katnehek. Kawak sa' ma'a aqsok ekmaso agko' nak, keñe sa' kéxegke megkólenmaxaxche'.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Daniel 12:8

“Ekhaxnawók axta eykhe ko'o aptáhakxa appeywa, axta eyke ay'ásegkok xama enxoho. Tén axta sektáha seyáneya sélmaxneyáncha'a s'e: ‘Wesse', ¿háxko sa' katnehek natámen xa ekyókxoho aqsok nak?’

Daniel 4:10

Keso aqsok sekwet'a axta ko'o neyseksa sekteyenma s'e: “Ekwet'ak axta xama yámet ekwenaqte agko' émha m'a neyseksa nélwanmeygkaxa'.