Daniel 7:7 - Biblia Enxet

⁷ “Keñe m'a ektáhakxa nak cuatro aqsok nawhak sekwete, asagko' agko' axta, hegyegwakkasek axta agweta', awanhek axta han ektémakxa ekyennaqte. Sawo élyentaxno élyawe axta han ma'a am'ák; kalyeptek axta katwok ekyókxoho aqsok, kalteyammaha axta chá'a m'a éleymomáxche nak. Aqsok nawhak eklo mók ektémakxa axta m'a, axta kaxnawok ma'a ekyókxoho sekwet'a axta ko'o sekwanmagko, diez axta kepet'ák ma'a apqátek.

Daniel 7:7 Referans Kwoze

Daniel 8:10

Wegqágkek agko' axta, ekwokmoho éltekxekwokmoho m'a ekheykegkaxa nak aqsok élápogwátéyak néten, palchessek axta nápakha yaw'a kelteyammeyha axta,

Daniel 7:13

“Éláneyha axta aqsa ko'o axta'a xa aqsok sélxekmósso nak: “Ekwet'ak axta apxegakmo neyseksa yaphope xama aphémo énxet, apmahágko m'a aphakxa axta Apkemha Apmonye' ekha kéláyo; kélya'ágkassek axta m'a aphakxa.

Daniel 7:2

“Ekwet'ak axta ko'o sekwanmagko éxchahayam éleñamakxa nak ekyókxoho yókxexma, yawheyáseyha axta yegmen ma'a wátsam ekwányam nak.

2 Samuel 22:43

¡Ektepelchamók axta ektémól'a yagkamex náxop! ¡Élteyammeykha axta, ektémól'a ólteyammaha yelpa' m'a ámay!

Daniel 2:19

Kélxekmóssek axta han Daniel axta'a ektémakxa xa aqsok megkólya'áseyak nak, tén axta Daniel apkelteméssesa apcheymákpoho m'a Dios apha nak néten,

Job 41:14

¿Yaqsa awanchek kameykessesek átog, ekheykegkaxa nak ma'a am'ák ekpexchessamo nak egyempehek anlano'?

Daniel 8:22

Keñe m'a cuatro apkepet'ák élántepa axta, énta axta m'a amonye' ekteyapma nak apkepetek, ekteme ekyetchesamaxkoho peya kalántépok makham cuatro aptémakxa nak wesse' apwányam se'e apchókxa nak, megkaxók sa' eyke ekyennaqte m'a ektémakxa axta m'a amonye' axta.

Zacarías 2:1

Ekwet'ak axta makham mók aqsok sélxekmósso. Ekwet'ak axta apyephagwa'a xama énxet apseykha xama kelyetsáteyak ekwenaqte.