Daniel 7:27 - Biblia Enxet

²⁷ Kólmeyásekxak sa' Dios meyke nak ekhémo énxet'ák apagkok ma'a aptémakxa nak wesse' apwányam, ekha apmopwána ekha apcheymákpoho, ekyókxoho yókxexma keso náxop. Megkatnégwomek sa' néxa apteme wesse' apwányam, etnahagkok sa' chá'a apkeltamhókxa enxoho chá'a etnahagkok apyókxoho énxet'ák nak keso náxop, elyahakxohok sa'.’

Daniel 7:27 Referans Kwoze

Salmos 72:11

¡Apyókxoho kelwesse'e apkelwányam sa' eltekxeyagkok aptapnák apmonye'! ¡Apyókxoho pók aptémakxa énxet'ák sa' elyahakxoho'!

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Daniel 7:18

Keñe sa' kólmeyásekxak Dios meyke ekhémo énxet'ák apagkok ma'a aptamheykegkaxa nak chá'a kelwesse'e apkelwányam, etnahagkok sa' chá'a apagkok meyke néxa'.’

Daniel 2:44

Epekkenek sa' xama apchókxa megkólmowána nak kólmasséssók ma'a Dios apha nak néten, neyseksa aptamhéyak apkelwesse'e apkelwányam xa apkelwesse'e nak, memek sa' xama enxoho m'a pók wesse', kamasséssók sa' ekyókxoho mók apkelókxa nak, megkamassegwomek sa'.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Salmos 145:13

Megkamassegwomek ma'a aptémakxa nak xép Wesse' apwányam, megkatnégwomek chá'a néxa apteme Wesse'.

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Daniel 7:22

ekwokmoho apwa'a m'a Apkemha Apmonye' ekha kéláyo aptaqmelchessásekxo apheykha m'a Dios meyke nak ekhémo énxet'ák apagkok, hakte wokmek axta ekhem kélpekkenchessamakxa yaqwayam etnahagkok apagkok aptamheykegkaxa nak kelwesse'e apkelwányam ma'a Dios énxet'ák apagkok.

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

Isaías 54:3

hakte kasawhekxohok sa' xeye' m'a ekyókxoho yókxexma; elmok sa' ekxámokma agko' apkelókxa m'a atawán'ák natámen nak xeye', exnakha sa' nahan ma'a tegma apkelyawe meykexa nak énxet se'e kaxwo' nak.

Abdías 1:21

Elmeyekxak sa' egkexe Sión natámen apkelmallane kempakhakma yaqwayam elxének yaqwánxa kólteméssesek ma'a apheykha nak egkexe élekhahéyak Esaú, Wesse' egegkok sa' eyke etnehek wesse' apwányam apagkok.

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Isaías 14:2

Elmok sa' takha' apxámokma apagko' pók aptémakxa énxet'ák ma'a israelitas, elyetlakxak sa' ekweykekxoho m'a apkelókxa, elmok sa' nahan yaqwayam etnéssesagkok apkelásenneykha naqsa m'a israelitas, cham'a Wesse' egegkok nak kañe' xapop apagkok. Elmok sa' israelitas ma'a ektáha axta chá'a apkelma, kóneg sa' etnessásekxak ma'a ektáha axta chá'a apnaqtawáseykegkoho.

Daniel 6:26

éltamhók ko'o kóláwho tén han kólyahakxohok Daniel Dios apagkok ma'a ekyókxoho yókxexma séláneykegkaxa nak. “Hakte cham'a apteme Dios megyetsapma m'a, megkatnégwomek néxa apha. Megkólmasséssemek han ma'a aptémakxa nak wesse' apwányam megkamassegwomek nahan apmopwána.