Daniel 4:35 - Biblia Enxet

³⁵ Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Daniel 4:35 Referans Kwoze

Salmos 135:6

Elának chá'a ekyókxoho Wesse' egegkok ma'a apmakókxa enxoho elána', cham'a néten nak, tén han keso náxop, tén han ma'a wátsam ekwányam nak, ekweykekxoho m'a kañók agko' nak.

Salmos 115:3

Apheyk Dios egagkok ma'a néten, elának chá'a ekyókxoho m'a apmakókxa enxoho elána'.

Isaías 43:13

Ko'o sekteme Dios eyeynamo m'a sekxók axta. Méko xama aqsok hexyánegkesek ko'o. Méko kamasséssók ma'a aqsok sélane nak chá'a.”

Job 23:13

Peyk agkok elának xama aqsok ma'a, elának nahan; méko awanchek kayaqmagkassesek ma'a yaqwánxa etnehek.

Job 34:29

Apwanmakkek agkok ma'a Dios, ¡méko awanchek kaxének megkapayhawo aptáhakxa'! Agkok eltamhok éteyakpok, ¿yaqsa awanchek kóta'? Cha'a apkeláneykha chá'a apkelókxa m'a tén han ma'a énxet'ák

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Isaías 26:9

Awanhók agko' chá'a exchep ekmámenyého ewáxok axta'a; weykmók chá'a kañók agko' ewáxok sétamso. Apkelyelpelchawók sa' agkok xép énxet'ák keso náxop, kaltámeyagkok sa' énxet'ák ma'a ekpéwomo nak nentémakxa.

Salmos 49:1

Kóltaqmelchesho sa' kélháxenmo s'e énxet'ák, tén han kélyókxoho kélheykha nak keso náxop,

Salmos 33:14

apkeláneykha chá'a énxet'ák apheykha nak náxop, cham'a aphamakxa nak;

Salmos 39:5

Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Eclesiastés 8:4

Megkatnehek chá'a megkalánamáxche m'a aptáhakxa enxoho chá'a appeywa wesse' apwányam, méko nahan chá'a awanchek kalmaxneyekxohok aqsok apkelane.

Isaías 19:17

Elpexyennók sa' egipcios apmonye'e m'a énxet'ák Judá; apkelwesey sa' eykhe aqsa chá'a kalxének apkelwáxok, elyegweyk sa' aqsa chá'a eñama m'a apmáheyókxa axta etnéssesek Wesse' ekha nak apyennaqte m'a Egipto.

Daniel 6:27

Cham'a apteme segwagkasso teyp ma'a tén han segmallahanchesso; tén han apkelane aqsok sempelakkasso nak agweta' néten tén han keso náxop. Cha'a apwagkasso teyp Daniel ma'a neyseksa yámakméwa éllo.”

Jonás 1:14

Keñe axta aptáha apkelmaxneya Wesse' egegkok se'e: “Wesse', nágyoho aqsa negko'o agmaskok eñama s'e énxet nak. Méko sa' agkok aptémakxa, ná hempehésseta aqsa negko'o m'a apketsapa enxoho, hakte xép Wesse', elának chá'a exchep ma'a apmakókxa enxoho elána'.”

Josué 2:2

Wánxa agkok, xama énxet axta eyke apkeltennásseykxak ma'a wesse' apwányam nak Jericó. Axta aptáhak apcháneya s'e: —Nápakha énxet'ák Israel apkelwa'ak yaqwayam elanok ektémakxa negókxa s'e axta'a nak.