Daniel 4:17 - Biblia Enxet

¹⁷ Cháxa apkeltamhókxa nak kólteméssesek ma'a Dios apkelásenneykha apkelpagkanamap apkelhaxneykha nak chá'a, yaqwayam elya'asagkohok chá'a apyókxoho énxet'ák ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, apteméssesso nak chá'a apkeláneykha apchókxa m'a apmakókxa enxoho chá'a etnéssesek, tén han apteméssessamo nak chá'a apkemha apmonye' nepyeseksa énxet'ák m'a mékoho nak.’

Daniel 4:17 Referans Kwoze

Daniel 4:25

Kóltekkesek sa' nepyeseksa apnámakkok xép wesse', aqsok nawha'ák sa' epaxqaha; pa'at sa' etwok ektémól'a weyke, kayássesek sa' yálye. Sa' katnehek xép apweynchámeykha ekweykmoho siete apyeyam xa, wesse', ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.

Daniel 2:21

Cham'a apyaqmagkasso chá'a ektémakxa ekhem ma'a tén han ektémakxa nak chá'a aqsok ekteyapma; cham'a apnegkenma chá'a kelwesse'e apkelwányam, tén han apkelántekkesso chá'a, cham'a apkelmeyáseyak chá'a apkelmopwancha'a m'a ekha nak chá'a apkelmopwancha'a, tén han apkelya'áseyak chá'a aqsok ma'a apkelya'áseyak nak chá'a aqsok.

1 Samuel 2:8

Yempásekxak chá'a néten Dios náxop ma'a meyke nak aqsok apagkok, etekkessekxak chá'a kélchexakhamakxa aqsok apák ma'a ekha nak chá'a eyeyméxchexa aqsok, exnések chá'a nepyeseksa énxet'ák ekyawe nak kéláyo, exnéssók chá'a ekyetnamakxa nak taháno eyeymáxkoho; hakte Wesse' egegkok apagkok ma'a ekyennaqtéssamakxa nak xapop, cháxa appekkenmakxa nak han nélwanmeygkaxa xa néten nak.

Daniel 11:21

“Keñe sa' eyaqmagkasek apteme wesse' apwányam xama énxet ekmaso aptémakxa, megkapayhawo nak eykhe etnehek wesse' apwányam, ekpósek sa' ektémakxa ekmaso élchetámeykha apwáxok, etnehek sa' wesse' apwányam eñama apmopwána apkelyexancháseykha chá'a apnámakkok.

Éxodo 9:16

eyhayók eyke aqsa ko'o apha makham xeyep se'e kaxwo' nak yaqwayam enxoho étak chá'a m'a ekwánxa sekmowána, tén han yaqwayam kaxénaxchek chá'a sekwesey ekyókxoho keso náxop.

Ezequiel 25:17

Asagkók agko' sa' ko'o katnehek sekyaqmagkáseykekxa mók apkeltémakxa m'a; allegássesagkohok sa' yetlo seklómo ahagko'. Élanak sa' agkok xa, elya'ásegwók sa' ko'o sektáha Wesse'.”

Ezequiel 7:24

Wának sa' ko'o elxegmak ma'a énxet élmasagcha'a nak apkeltémakxa, wának sa' etnégwak apxanák ma'a tegma apheykegko nak kañe' tegma apwányam. Amasséssók sa' ektémakxa nak apkeleymákpoho m'a kelwesse'e ekha nak kéláyo; wának sa' kólnaqtawássesha m'a apkelpeykessamókxa nak chá'a aqsok apcháyókxa.

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

1 Reyes 21:25

(Méko axta énxet enxoho aphémo Ahab ekyáteyeykegkoho axta aptáwa' Jezabel elának aqsok ekmaso nápaqtók Wesse' egegkok.

Isaías 6:8

Tén axta sekleg'a Wesse' egegkok appeywa. Axta entáhak se'e: “¿Yaqsa sa' ko'o wáphaksek? ¿Yaqsa sa' katnehek apseykha amya'a egagkok?” Axta ektáhak ko'o seyátegmowágkokxo s'e: “Keso ko'o s'e, heyáphés ko'o.”

Salmos 12:8

Yókxoho yókxexma apkelweynchámeykha m'a élmasagcha'a nak apkeltémakxa, apyókxoho énxet'ák han leklamók apkelwáxok ma'a nentémakxa ekmaso.

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

Salmos 103:19

Appekkenmeyk aptaháno Wesse' egegkok ma'a néten, apsawheykekxók apteme Wesse' apwányam ekyókxoho aqsok.

Daniel 4:2

Émenyeyk ko'o kólya'asagkohok kéxegke aqsok sempelakkasso nak agweta', sexekmósa nak ma'a Dios meyke ekhémo.

Daniel 7:25

Kanmexmakha sa' appeywa m'a Dios meyke nak ekhémo enaqtawássesagkohok sa' ma'a énxet'ák apagkok; emáwhok sa' eyaqmagkasek mók ma'a Dios segánamakxa apagkok, tén han ma'a kélessawássessamókxa nak chá'a ekhem apagkok, elmok sa' ma'a Dios énxet'ák apagkok ekweykmoho apqántánxo apyeyam nepxet pók.