Daniel 4:12 - Biblia Enxet

¹² Keltásók agko' axta han ma'a áwa' xámok axta han ekyexna, awanchek axta kasawhekxohok aptéyak apyókxoho énxet'ák. Kelyáqtegkek axta kóneg ma'a aqsok nawha'ák élleykha nak yókxexma, keláneykegkek axta han axanák náta m'a aktegák nak, keleykegkek axta aptéyak apyókxoho énxet'ák keso nélwanmeygkaxa nak.

Daniel 4:12 Referans Kwoze

Ezequiel 17:23

cham'a egkexe netnók agko' nak ma'a Israel. Kaxámak sa' aktegák, keyxek sa' nahan, katnehek sa' xama yámet cedro ekyawe ektaqmalma agko'. Kallawha sa' mók ektémakxa nak chá'a aqsok nawha'ák ma'a kóneg nak, kalanagkok sa' nahan axanák mók ektémakxa nak chá'a náta m'a kañe' áwa' kóneg pessesse agkok nak ma'a aktegák.

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Ezequiel 31:17

Kalántexek sa' eyke nahan apkelmaheykegkaxa nak chá'a apkeletsapma xa, kapáxaqwók ma'a apkeletsapma axta neyseksa kempakhakma, ekhawo nak xa yámet nak. Keñe sa' ma'a apheykha axta chá'a kóneg pessesse agkok, yexpaqnek sa', elmahagkok sa' chá'a nepyeseksa m'a pók aptémakxa nak chá'a énxet'ák.

Daniel 4:14

aptáhak axta appaqmeta ekyennaqte s'e: “Kólyaqnegkes yámet ekyawe, kólyaqténches aktegák, kólpalchesses áwa', kólexpánchessesha ekyexna. Kanyahagkok sa' aqsok nawha'ák élyáqto nak kóneg pessesse agkok, kalchampak sa' náta élyáqto nak aktegák.

Job 12:24

Emasséssesek chá'a apkelmopwancha'a aqsok apkelámha apmonye'e xama apchókxa', ey'aksek chá'a meykexa énxet yának elweynchamha aqsa m'a meyke apkelya'áseyak,

Job 14:7

Kélyaqténchek agkok xama yámet, yetneyk makham yaqwayam kaltektépekxa', megkameykehek chá'a kaxwe ekteyapma áwa'.

Job 14:9

yássessek agkok yegmen, axnagko' katnekxa'; kalxog aktegák, ektémól'a aqsok kaxwe kélcheneykekxa'.