Daniel 3:1 - Biblia Enxet

¹ Apkeltamhók axta kalanaxchek wesse' apwányam Nabucodonosor xama kéleykmássesso sawo ekyátekto ekmomnáwa, treinta metros ekmahéyak ma'a néten, keñe tres metros ekpayhakxa, apkeltamhók axta kólchenegkessók ma'a ekpayhegweykenxa nak xapop Dura, cham'a Babilonia nak.

Daniel 3:1 Referans Kwoze

Habacuc 2:19

¡Kéxegke la'aye, kéltémo nak kaxatakhak kéleykmássesso élánamáxche nak yántéseksek, tén han kéltémo nak katnamha meteymog meyke nak ekpeywa! ¿Awancheya kaltennaksek amya'a m'a? ¡Yawanche', méko énnama m'a, sawo ekyátekto ekmomnáwa eykhe kélyepetchesso m'a émpehek nak, tén han sawo ekmope ekmomnáwa!

Jeremías 16:20

¿Apwancheya elának apagkok apagko' aqsok apcháyókxa énxet? ¡Háwe eyke apmámnaqsoho etnehek xa aqsok kéláyókxa nak!”

Isaías 46:6

Yetneyk énxet apkelhaxyawasso nak chá'a ekxámokma sawo ekyátekto élmomnáwa m'a nahápa apagkok tén han apkelyetsátéyak nak chá'a kélyetsátéyak ma'a sawo ekmope élmomnáwa; keñe yáneyha chá'a xama apkelane nak chá'a sawo yának elanaksek xama aqsok apcháyókxa yaqwayam eltekxók aptapnák amonye' tén han elpeykesho'.

Oseas 8:4

“Meyke séltennasso ko'o apkelyéseykha m'a kelwesse'e apkelwányam apagkok, apkelyéseykha apkelámha apmonye'e apagkok meyke sekya'áseyak ko'o. Apkelmeykha sawo élmope élmomnáwa, tén han sawo ekyátekto ekmomnáwa apagkok yaqwayam elanagkok aqsok apcháyókxa, yaqwayam sa' enaqtawasakpohok apagko'.

Isaías 2:20

Ekxakkasek sa' aqsok kéleykmássesso apagkok énxet'ák pomo'o tén han mépop xa ekhem nak, cham'a kéleykmássesso sawo ekyátekto élmomnáwa tén han ma'a sawo ekmope élmomnáwa nak apkelánéyák apancha'awók axta chá'a yaqwayam elpeykesho',

Salmos 135:15

Sawo ekyátekto ekmomnáwa, tén han sawo ekmope ekmomnáwa kéleykmássesso apagkok ma'a pók énxet'ák nak, aqsok apkelane apagko' nak chá'a m'a énxet.

1 Reyes 12:28

Yetlókok axta han apkeltémo kalanaxchek ánet weyke étkok kéleykmássesso sawo ekyátekto ekmomnáwa m'a wesse' apwányam, natámen ekteme élchetamso apwáxok xa ektáha nak, keñe aptáha apkeláneya énxet'ák se'e: “Israelitas, wánxa kólteme kélmeyeykekxa Jerusalén, hakte hágkaxwe kólmeyekxak ma'a. Keso aqsok kéláyókxa kélagkok se'e, ektáha axta élántekkesso m'a Egipto.”

Daniel 5:23

Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

Daniel 2:48

Tén axta wesse' apwányam apteméssesa ekyawe kéláyo m'a Daniel, apkelméssek axta ekxámokma agko' aqsok apkelmésso naqsa éltaqmalma; apteméssessek axta han apkeláneykha apchókxa m'a Babilonia, keñe han apkemha apmonye' nepyeseksa apyókxoho ekha nak apkelmopwancha'a xa apchókxa nak.

Jeremías 10:9

Sawo ekmope ekmomnáwa aqsa m'a kéleykmássesso apagkok nak, éleñama nak kélseykenta m'a Tarsis, tén han sawo ekyátekto ekmomnáwa, éleñama nak kélseykenta m'a Ufaz; aqsok apkelane nak chá'a m'a énxet apkeleykmassáseykha nak chá'a aqsok, tén han ma'a apkelane nak chá'a sawo ekyátekto élmomnáwa, kéltaxneyáseykekxa nak chá'a m'a apáwa hómáyok, tén han ma'a apyexwase, énxet apmopwána apkeleykmassáseykha apkelane ekyókxoho xa.

Isaías 30:22

Máxa aqsok ekmanyása sa' kóltemeykha kólwanyaha m'a kéleykmássesso kélagkok sawo ekmope ekmomnáwa nak tén han ma'a aqsok kéláyókxa kélyepetchesso nak émpe'ék ma'a sawo ekyátekto ekmomnáwa. Máxa aqsok ekmanyása sa' kólteméssesek kóltaqnók, máxa aqsok apák kélchexakha sa' kólteméssesek.

Deuteronomio 7:25

Kólwatneyásekxak sa' kéxegke m'a aqsok kéleykmássesso apagkok apkeláyókxa nak chá'a, nágkalána' aqsa kélwáxok kólmekxak ma'a sawo ekyátekto élmomnáwa nak tén han ma'a sawo ekmope élmomnáwa apkelyepetchesso nak chá'a m'a émpe'ék; nágkáhapwa ekyekkónma kólámenyéhok xa aqsok nak, kóllának katnehek xama aqsok megkaleklamakxa agko' nak apwáxok nápaqtók ma'a Wesse' egegkok.

Éxodo 32:31

Apmeyákxeyk axta makham Moisés ma'a aphakxa nak Wesse' egegkok. Aptáhak axta apcháneya s'e: —Naqsók apkelánegko ekwányam agko' melya'assáxma énxet'ák apkelánegko xama apcháyókxa m'a sawo ekyátekto ekmomnáwa nak.

Éxodo 20:23

Nágkóllána aqsok kéláyókxa m'a sawo ekyátekto élmomnáwa nak, essenhan ma'a sawo ekmope élmomnáwa nak yaqwayam enxoho kólpeykeshok ektémól'a ko'o hélpeykesho'.

Daniel 3:30

Tén axta wesse' apwányam apkelmésa apkeltamheykha ektaqmalma agko' ekha kéláyo Babilonia xa apqántánxo wokma'ák nak.

Ester 1:1

Temegkek axta aptéma axta wesse' apwányam Asuero neyseksa ciento veintisiete apkelókxa s'e aqsok nak, eksawheykekxoho axta eyeynamo apteme wesse' apwányam ma'a India apchókxa ekweykmoho m'a Etiopía;

Daniel 3:14

aptáhak axta apkelmaxneyáncha'a s'e: —¿Naqsóya megkólpeykásawo kéxegke aqsok seyáyókxa', tén han kéleykmássesso sawo ekyátekto ekmomnáwa, séltémo axta héllanaksek?

Daniel 5:4

Apyókxoho axta apyenágkok vino, apkelpeykásawók axta m'a aqsok apkeláyókxa nak, élánamáxche nak sawo ekyátekto ekmomnáwa, tén sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog.

Oseas 2:8

“Makke kay'ásegkok sektáha chá'a ko'o sekmésso m'a hótáhap apaktek, tén han vino, tén han ma'a pexmok égmenek; megkay'ásegkok sektáha chá'a ko'o sekxámassáseyak ma'a sawo ekmope ekmomnáwa, tén han sawo' ekyátekto élmomnáwa nak, éláneya nak chá'a m'a aqsok eyáyókxa'.

Daniel 2:49

Apkelmeyásegkek axta han wesse' apwányam apkeltamheykha éltaqmela m'a Sadrac, Mesac tén han Abed-negó, cham'a Babilonia, eñama apkelmaxnéssesso m'a Daniel. Keñe axta Daniel aphákxo m'a aphakxa nak wesse' apwányam.