Daniel 2:12 - Biblia Enxet

¹² Aplókók apagko' axta han wesse' apwányam apleg'a xa, tén axta apkeltamho kólnápekxak apyókxoho ekha apkelmopwancha'a nak ma'a Babilonia.

Daniel 2:12 Referans Kwoze

Daniel 3:13

Aplókók apagko' axta Nabucodonosor, apkeltamhók axta kólnaqlantagkasek aphakxa m'a Sadrac, Mesac tén han Abed-negó. Xama axta apkelwokmo m'a aphakxa',

Daniel 3:19

Yexwasekxeyk axta nápat aplawa Nabucodonosor apkeltaqnaweygko m'a apqántánxo wokma'ák nak, apleg'a aptáhakxa apkelpeywa. Apkeltamhók axta kólyeykhássamhok agko' ekmexanma m'a táxa axagkok;

Salmos 76:10

Yának chá'a exchep elpeykeshok ma'a énxet'ák apkello nak; ¡elsawásseshok chá'a exchep ma'a metekyawa nak kempakhakma!

Daniel 2:5

—Keso sekmakókxa ko'o atnehek se'e —axta aptáhak wesse' apwányam apchátegmowágko—: Sa' agkok héltennásak kéxegke aqsok sewanmésso tén han ektémakxa, wának sa' kólyaqtennagkok kólteméssesek kélnápakha'a apketkók, meteymog ektaháneykekxa mók sa' etnekxak ma'a kélxanák nak.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 19:12

Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

Proverbios 16:14

Aplókek agkok wesse' apwányam, yetneyk katnehek yaqwayam emátog, énxet apya'áseykegkoho aqsok akke aqsa apwanchek emasséssesek aplo.

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

Daniel 2:24

Keñe axta apya'aweykxo Daniel ma'a Arioc, natámen xa, cham'a apkeltamho axta elnápekxak wesse' apwányam ma'a ekha nak apkelmopwancha'a apheykha nak Babilonia. Aptáhak axta apcháneya s'e: —Ná elnáhap aqsa sekxók ekha nak apkelmopwancha'a. Héntemekxa sa' ko'o m'a aphakxa nak wesse' apwányam, altennaksek sa' ko'o ektémakxa m'a apwanmagko.

Daniel 5:19

Elyahakxohok axta chá'a apyókxoho énxet'ák, tén han ma'a énxet'ák mók ektémakxa nak chá'a apkelpaqmeyesma, elpexyennók axta chá'a apmonye', eñama m'a ektémakxa axta apmésso ekha apmopwána m'a Dios. Elnápok axta chá'a m'a apmakókxa enxoho chá'a elnápok, melnápek axta chá'a memakókxa enxoho chá'a elnápok, ekha kéláyo axta han chá'a etnéssesek ma'a apmakókxa enxoho chá'a etnéssesek, mékoho axta han chá'a etnéssesek ma'a apmakókxa enxoho chá'a etnéssesek.