Daniel 12:8 - Biblia Enxet

⁸ “Ekhaxnawók axta eykhe ko'o aptáhakxa appeywa, axta eyke ay'ásegkok xama enxoho. Tén axta sektáha seyáneya sélmaxneyáncha'a s'e: ‘Wesse', ¿háxko sa' katnehek natámen xa ekyókxoho aqsok nak?’

Daniel 12:8 Referans Kwoze

Daniel 12:6

Keñe axta xama aptáha apkelmaxneyeyncha'a énxet apkelántaxneykekxa axta apáwa apkelexyawe, apkenmeyncha'a axta m'a néten yegmen ma'a wátsam: ‘¿Háxko sa' ekwánxa kamassegwók se'e aqsok sempelakkasso nak agweta'?’

Daniel 10:14

Ekwa'ak ko'o yaqwayam altennássak yaqwánxa katnehek egmonye' m'a énxet'ák apagkok, hakte cham'a aqsok apwete nak, ekxeyenma m'a ekhem peya nak katnehek.’

Daniel 8:13

“Keñe axta sekleg'a aptáha apkelmaxneyáncha'a pók Dios apchásenneykha s'e: ‘¿Háxko sa' ekwánxa katnégwók néxa kélmassésseyam élánamáxche m'a aqsok ektekyawa élánamáxche nak chá'a yókxoho ekhem? ¿Háxko sa' ekwánxa katnégwók néxa kélmésso kélnaqtawáseykegkoho m'a Wesse' egegkok énxet'ák apagkok, apheykha nak ma'a tegma appagkanamap apagkok, cham'a ekteme nak ekmaso agko' magya'assáxma?’

Daniel 12:7

Apkelya'ássek axta néten apmék ma'a énxet apkelántaxneykekxa axta apáwa apkelexyawe, apmésa appeywa ekmámnaqsoho agko' yetlo apxeyenma apwesey m'a Dios memassegwayam. Aptáhak axta s'e: ‘Wokmek sa' agkok apqántánxo apyeyam nepxet pók, ekmassa sa' kélmasséssekmo apteme apkelyennaqte m'a Dios énxet'ák apagkok, kamassegwók sa' xa ekyókxoho aqsok nak.’

Daniel 12:9

Aptáhak axta seyátegmowágko: ‘Daniel, exeg aqsa exchep, hakte kakpósaxchek sa' xa aqsok nak, ekwokmoho ektemegwánxa néxa ekhem.