Cantares 8:8 - Biblia Enxet

⁸ Ketsék makham negko'o egyáxeg, méko makham nam'agkok. ¿Háxko sa' anteméssesek sẽlya'awa enxoho hẽlmaxnegwa'?

Cantares 8:8 Referans Kwoze

Salmos 2:8

Hélmaxna ko'o ekyókxoho apkelókxa, almések sa', apagkok sa' etnehek ekweykmoho m'a ektemegwánxa nak néxa xapop.

Ezequiel 23:33

tén han ma'a negmayósa tén han ma'a sẽlmassésseyam nak. Yáxa egheykok agkok xa, cham'a Samaria, cháxa yaqwayam sa' kaqhássesek xeye' xa tén han kañássesagkohok ekmáske.

Ezequiel 16:61

Élméssek sa' agkok ko'o exche' yaqwayam katnehek étchek ma'a yáxa' katnaha étkok nak tén han ma'a yáxeg nak, neyseksa eykhe megkatne m'a ekhémo mók nélpaqhetchásamáxkoho nak, kaxénwakxohok sa' awáxok ma'a ektémakxa axta nano', keñe sa' kamegqe'.

Ezequiel 16:46

Nexcheyha eyke eghak ma'a Samaria, yáxa' katnaha étkok nak yetlo m'a étchek; keñe nepyeyam ma'a yáxeg sexyo nak, cham'a Sodoma yetlo nahan ma'a étchek.

Ezequiel 16:7

Wánegyek axta ektémól'a aqsok kélcheneykekxa m'a yókxexma. Kewancheyk axta, ekwányam axta entáhak, wokmek axta ektémakxa kelán'a. Apkelyawak axta m'a nam'agkok, kelwegqak axta nahan ma'a áwa'. Méko apagko' axta eyke ektaxno.

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Cantares 8:10

Máxa neykhe ko'o tegma kélhaxtegkesso nepyáwa', keñe neme ahagkok aphawo m'a tegma apkelwenaqte nak. Ekeso éñamakxa sekpagkanma nak ko'o, apweteya ko'o sekweteya m'a ekpayheykekxa ewáxok.

Cantares 7:3

Máxa ánet xenaq étkók ma'a nam'agkok nak, ánet xenaq étkók ekpalleykmoho ánet la'a.

Cantares 4:5

Máxa ánet xenaq étkók ma'a nam'agkok nak, ánet xenaq étkók ekpalleykmoho ánet la'a, ekteykegkohol'a pa'at ma'a neyseksa pánaqte exnók éltaqmalma.

Cantares 8:9

Kaxtemék ekteme kélhaxtegkesso tegma m'a, anlanaksek axta élámha étkók sawo ekmope élyenma m'a néten nak; kaxtemék axta ekteme xama átog, ólyepetchesek axta m'a yámet cedro.