Cantares 8:10 - Biblia Enxet

¹⁰ Máxa neykhe ko'o tegma kélhaxtegkesso nepyáwa', keñe neme ahagkok aphawo m'a tegma apkelwenaqte nak. Ekeso éñamakxa sekpagkanma nak ko'o, apweteya ko'o sekweteya m'a ekpayheykekxa ewáxok.

Cantares 8:10 Referans Kwoze

Ezequiel 16:7

Wánegyek axta ektémól'a aqsok kélcheneykekxa m'a yókxexma. Kewancheyk axta, ekwányam axta entáhak, wokmek axta ektémakxa kelán'a. Apkelyawak axta m'a nam'agkok, kelwegqak axta nahan ma'a áwa'. Méko apagko' axta eyke ektaxno.

Isaías 60:10

Énxet'ák mók nekha apkeleñama sa' elánekxak ma'a meteymog kélhaxta nak nepyáwa Jerusalén, keñe sa' ma'a kelwesse'e apkelwányam kélagkok nak kóltéhek kélásenneykha; aplo axta eyke keñamak apkellegassáseykegkoho m'a Wesse' egegkok, apkelásekhayo eyke keñamak kaxwók kéleyósegwokmo apkelano.

Cantares 4:5

Máxa ánet xenaq étkók ma'a nam'agkok nak, ánet xenaq étkók ekpalleykmoho ánet la'a, ekteykegkohol'a pa'at ma'a neyseksa pánaqte exnók éltaqmalma.

Proverbios 3:4

tén sa' kalkohok chá'a apwáxok elanok Dios, keñe han ma'a énxet'ák nak.

Génesis 6:8

Taqmeleykha axta eyke apwáxok Wesse' egegkok apkelányo m'a Noé.

Cantares 8:11

Axta yetnók apkeneykekxa anmen yámet Salomón ma'a yókxexma Baal-hamón. Apnegkenmék axta nahan énxet aptaqmelchesso m'a, tén axta m'a ekwokmo enxoho chá'a ekhem eknakxamáxchexa ekyexna, elmésagkok chá'a mil sawók selyaqye ekmomnáwa xama xama.

Cantares 4:4

Hawók ayespok ma'a tegma apwenaqte aptaqmalma kéllánesso axta m'a David, apkelánamap nak ma'a meteymog kélpáxqatma. Kélmakheyáseykha nahan mil kéláhakkásamáxche m'a, apkeláhakkásamap nak ma'a kempakhakma yapmék.