Cantares 6:4 - Biblia Enxet

⁴ Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Cantares 6:4 Referans Kwoze

Cantares 6:10

¿Yaqsa élteyányeyncha'a nak, ekho nak ekhem éltátchessól'a axto'o? Tásók agko', máxa m'a pelten aptaqmalmal'a, máxa m'a ekhem éltátchesso ektaqmalmal'a ¡ekteyeykmohol'a egwáxok agweta' aptémól'a elxog ma'a sẽlpextétamo!

Salmos 48:2

¡Tásók agko' nak la'a m'a egkexe netno' nak Sión, cham'a ekpayho nak nexcheyha! ¡Cha'a élpeykessáseykekxa chá'a apwáxok apyókxoho énxet'ák apheykha nak keso náxop! Wesse' apwányam tegma apwányam apagkok ma'a.

1 Reyes 14:17

Tén axta émpákxo néten ma'a Jeroboam aptáwa' ektaqhákxo, wákxeyk axta m'a Tirsá; xama axta ektaxnegwákxo m'a axagkok, keñe apketsapa m'a sakcha'a.

Lamentaciones 2:15

Eltekpogmakha chá'a apmék yesmaksek elwetak ma'a apkelyeykhágwayam nak chá'a; elmóheykha chá'a elyeykesha apqatkok ey'ássók, etnehek chá'a elxének ma'a Jerusalén ektaqmalma nak: “Keyaxa ekxénamaxko nak chá'a ektaqmalma agko' keso náxop, élpeykessáseykekxoho nak chá'a apkelwáxok énxet'ák”.

Cantares 4:7

¡Tásók agkók xe', sekpagkanma; tásek ekyókxoho ekyókxa! ¡Méko exche' xama enxoho eyesagkexa émpehek!

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Zacarías 12:3

“Atnessásekxak sa' ko'o meteymog ekyentaxno agko' Jerusalén xa ekhem nak, megyexyawaksek sa' chá'a m'a pók aptémakxa nak énxet'ák. Kapexyekhak sa' chá'a m'a apmáheyo nak chá'a éxnések néten. Épetchekxak sa' pók apyókxoho pók aptémakxa énxet'ák yenmexek ma'a Jerusalén,

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

1 Reyes 15:33

Apkeynamók axta apteme wesse' apwányam Baasá m'a Tirsá tén han ekyókxoho Israel, cham'a Baasá, Ahías axta apketche, ekweykmo axta apqántánxo apyeyam apteme wesse' apwányam Asá m'a Judá. Veinticuatro apyeyam axta han apteme wesse' apwányam.

1 Reyes 15:21

Xama axta apleg'a amya'a Baasá, apkelwátessásegkek axta aphaxtegkesso meteymog nepyáwa Ramá m'a énxet'ák apagkok, aptaqháwok axta aqsa apmeyákxo m'a Tirsá.

Salmos 48:3

Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.