Cantares 1:9 - Biblia Enxet

⁹ Sekpagkanma, ekhéssamók ko'o exche' m'a yátnáxeg apkelwána aptaqmalma, apyenyawassamól'a m'a faraón yátnáxeg apyenyawasso apagkok.

Cantares 1:9 Referans Kwoze

Cantares 2:13

Yexneyk kaxwók ma'a higo yámet, kempássek ekpaqneyam ma'a anmen yámet kélcheneykekxa. “Katnemekxa néten, sekpagkanma; nók, ólxog.

Cantares 2:10

Aptáhak seyáneya sekpagkanma s'e: “Kampekxa néten sekpagkanma; nók, ólxog.

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 4:7

¡Tásók agkók xe', sekpagkanma; tásek ekyókxoho ekyókxa! ¡Méko exche' xama enxoho eyesagkexa émpehek!

Cantares 2:2

Máxa pánaqte exnók émhal'a neyseksa am'ák temék neyseksa kelán'ák ma'a sekpagkanma nak.

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 6:4

Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Cantares 4:1

¡Tásók agko' nak la'a exche', sekpagkanma, tásók agko'! Máxa apqánet wáx'ay la'a elyagqak aqta'ák ma'a teyp nak eyáhakkasso nát apáwa apkexyawe; máxa yát'ay apketkók apkelnextegeykhal'a néten meteymog élekhahéyak Galaad ma'a áwa' nak.

1 Reyes 10:28

Musri axta apkeleñamak kélnaqlókassama Salomón ma'a yátnáxeg tén han ma'a Cilicia, hakte axta apkeleñamak apkelma wesse' apkeláneykha m'a.

Génesis 50:9

Apkelyetlókek axta han José m'a énxet'ák apkelchánte axta yátnáxeg apkelyenyawasso, tén han apkelchánte yátnáxeg, apxámok apagko' axta énxet.