Cantares 1:5 - Biblia Enxet

⁵ Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Cantares 1:5 Referans Kwoze

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 5:8

Kelán'ák Jerusalén, kélwet'ak sa' agkok sekpagkanma, kóltennés sa' ekmáheyo ko'o heyaqhek ma'a ektémakxa nak seyásekhayo tén han sekmámenyého.

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 2:7

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Ezequiel 16:14

Payheykekxeyk axta ekwesey ekyókxoho apheykegkaxa nak chá'a pók aptémakxa énxet'ák ma'a ektémakxa ektaqmalma, taxnéssamók axta m'a aqsok élyenma sélnáxegkáseykencha'a axta. Ko'o sekxeyenma xa, sektáha nak Wesse'.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 60:7

Kélnaqtósso sa' kóltéhek kéxegke apyókxoho m'a nepkések apkeleñama nak Quedar; elyagqak sa' nahan kélheykegkaxa m'a nepkések apkelennay'a Nebaiot apnaqtósso nak, yaqwayam sa' kólmések chá'a Wesse' egegkok kólnegkenchesek ma'a néten nak kélwatnéssamakxa aqsok, kólteméssesek aqsok kélmésso naqsa ekleklamo nak apwáxok, keñe sa' kayágwomhok apteméssesso aptaqmalma apagko' ma'a tegma appagkanamap aptaqmalma apagkok nak.

Cantares 6:4

Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Cantares 4:3

Yexwásawók nahan ma'a átog, máxa m'a yátépépe' kélyexwásessól'a apyexwase apagko', kamok han egwáxok ma'a ekpeywa. Máxa yántakyexna kélpáxqatmal'a neyseksa amáxempenák ma'a teyp nak eyáhakkasso nát apáwa apkexyawe.

Isaías 53:2

Apkeltémok axta exhok Wesse' egegkok ewanák apkeláneykha m'a ektémól'a pánaqte exnók kaxwe ekteyapmal'a, élatchesseyam la'a kepmenák ma'a ekyamakakxa xapop. Apsagkók axta m'a háwe axta apcheymákpoho méko axta m'a ektémakxal'a kélmámenyéhol'a kóllano';

Cantares 8:4

Kelán'ák Jerusalén, néltamhók negko'o mehẽltawássesha neghéyak. ¡Hẽlho aqsa aghagkok ekwokmoho nennaqxétekhágko!

Cantares 3:10

Sawo ekmope élmomnáwa axta m'a élámha nak; tén axta sawo ekyátekto ekmomnáwa m'a apteyassamakxa nak apkapok; apáwa hómáyok axta émpehek ma'a nentaháno nak; tén axta kelán'ák Jerusalén élnáxegkáseykha yetlo ektaqmelchessamo m'a kañe' awáxok nak.

Cantares 3:5

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Salmos 149:4

Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.

Salmos 90:17

Keytek sa' chá'a negko'o tekhenxet ma'a Dios Wesse' egegkok segásekhayo. ¡Wesse', hentekkesses chá'a negko'o nentamheykha, ¡Naqso', hentekkesses chá'a nentamheykha!

Salmos 45:9

Heykha han kelwesse'e étkók neyseksa m'a kelán'ák ekheykha nak ma'a aphamakxa nak; kenmeykha han ekpayhókxa apkelya'assamakxa aphamakxa m'a wesse' ekwányam, yetlo ekwakhésamaxche m'a sawo ekyátekto élmomnáwa éltaqmalma agko' nak.

Isaías 21:16

Aptáhak seyáneya Wesse' egegkok se'e: “Wokmek sa' agkok xama apyeyam kamassegwók sa' ektémakxa nak eyeymáxkoho m'a Quedar, ektémól'a m'a énxet kélyánmagkassól'a aptamheykha kammok néxa apxawe aptamheykha.

Ezequiel 27:21

Axta apkelmomakxa chá'a aqsok apkexeykekxa exchep ma'a énxet'ák Arabia tén han ma'a apyókxoho kelwesse'e nak ma'a yókxexma Quedar: eyánmagkasek axta chá'a aqsok apkelma m'a nepkések apketkók tén han ma'a nepkések apkellennay'a nak tén han ma'a yát'ay apketkók nak.