Cantares 1:4 - Biblia Enxet

⁴ ¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Cantares 1:4 Referans Kwoze

Oseas 11:4

Yetlo sélápeykha axta eknaqleykenták sekhakxa, tén han yetlo sélásekhayo; axta ekteméssessók séleynma m'a ektémól'a ólqeynek sakcha'a keyetsék megkalyamasmal'a neme; waháxeheykha axta chá'a alagkok aptéyak,

Jeremías 31:3

makhawók axta ko'o ekxekmowásamáxkoho. Megkamassegweykmok ko'o makham sélásekhayo; cháxa keñamak sélenxáneykmoho nak ko'o ektaqmeleykha ewáxok sélányo.

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Isaías 63:7

Peyk ko'o axének Wesse' egegkok segásekhayo, peyk alpeykeshok eñama m'a ekyókxoho sekteméssessamakxa axta negko'o, eñama apkelásekhayo ekwányam agko' ma'a énxet'ák Israel, eñama m'a apteméssessamakxa axta chá'a ektaqmeleykencha'a apwáxok apkelányo tén han apkelásekhayo ekwányam agko'.

Isaías 61:3

tén han yaqwayam almések apkelháxaqxo éltaqmalma megkatnaha nak táhap ma'a énxet'ák apkellegeykegkoho nak ekyentaxno apkelwáxok ma'a Sión, tén han sokmátsa ekpeykeseykekxoho nak egwáxok megkatnaha nak ma'a nenlekxagweykha, tén han negmeneykmasso nélpeykessamo, megkatnaha nak ma'a magya'áseyak nak nentáhakxa. Kólteméssesek sa' apkelwesey “Yenta'a élyennaqte élpéwomo éltémakxa” apkeneykekxa m'a Wesse' egegkok yaqwayam exekmósek apcheymákpoho.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Isaías 25:8

Emasséssamhok apagko' sa' Wesse' egegkok ma'a nétsapma, elhaxyawássesagkok sa' apaqtek égmen'ák apyókxoho énxet'ák, yának sa' kamassegwók apkelmegqásamáp énxet'ák apagkok ekyókxoho keso náxop. Wesse' egegkok apxeyenma xa.

Cantares 3:4

Axta nahan kanéwók sekyeykhe apchaqnágkaxa m'a énxet nak sekwetákxo m'a sekpagkanma sekmámenyého ahagko' nak. Ekmeyk axta apmek sekyentamákxo m'a kañe' méme axagkok, meyke sekyenyeykekxa, cham'a séñamakxa axta ko'o sekteyapma.

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Sofonías 3:14

¡Kólmeneykmés kélheykha nak tegma apwányam Sión! ¡Kólwónches ekpayheykekxa kélwáxok, énxet'ák Israel! ¡Énxet'ák Jerusalén, kalpayhekxa kélwáxok, kalpayhekxoho agko' kélwáxok!

Salmos 119:60

Apekhésha chá'a ko'o alának ma'a apkeltémók nak antéhek, yahamók chá'a alána'.

Salmos 119:32

Hepekhésha chá'a ko'o alának ma'a apkeltémókxa nak antéhek, hakte hepeykessásekxak chá'a exchep ewáxok.

Salmos 111:4

Apkeláneyak aqsok sempelakkasso nak agweta' megkalwagqánamaxche'. Wesse' egegkok apteme ektaqmeleykha apwáxok henlano', tén han apmopyósa henlano';

Salmos 63:5

Kapayhekxohok agko' sa' chá'a ewáxok, ektémól'a antók ma'a nento élmátsa élánamáxche nak ektámáxche ekyawe, alpeykeshok sa' chá'a yetlo ekpayheykekxa ewáxok.

Salmos 48:9

Oh Dios, kaxének chá'a negko'o egwáxok ekyawe segásekhayo m'a kañe' nak tegma appagkanamap apagkok.

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!

Cantares 4:10

¡Atsek chá'a exche' héláxñesha, eyáxeg, sekpagkanma! ¡Atsek agko' chá'a héláxñesha, yeykhágweykmók ma'a ekweykenxal'a ekmátsa m'a vino, Atsók agko' nahan ekpaqneyam ma'a sokmátsa agkok, yeykhágweykmók ma'a ekyókxoho aqsok élmátsa nak élpaqneyam!