Amós 9:2 - Biblia Enxet

² elyexánegwók sa' eykhe m'a kañe' xapop ekmattawóneg nak, alántekkessók sa' eyke chá'a ko'o m'a, elchenátwók sa' eykhe m'a netnók agko' nak yaphope, wának sa' eyke han ko'o elántépok ma'a.

Amós 9:2 Referans Kwoze

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Abdías 1:4

Netnók sa' eykhe emhagkok ektémól'a náta ekyawe, epekkenwók sa' eykhe apxagkok ma'a nepyeseksa nak yaw'a, sa' eyke yeñék ayenyenták xép ma'a néten nak.” Aptáhak Wesse' egegkok se'e:

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Job 26:6

Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

Job 20:6

Megkeyxek apteme apwenaqte apagko', ekhawo nak ma'a néten, kawomhok eykhe apqátek ma'a yaphope,

Job 34:22

Méko ekyáqtésso exma ekyentaxno agko' awanchek kakpósek ma'a ekmaso nak aptémakxa'.

Ezequiel 26:20

kaweykesagkok sa' ekweykmoho m'a apheykegkaxa nak apkeletsapma, cham'a énxet'ák apheykencha'a axta nano' nentámen axta. Ayenyenták sa' éttawanyexa agko' nak ma'a kañe' xapop, cham'a apkelókxa meyke néxa nak eknaqtawasamáxche m'a aqsok, exek sa' chá'a nepyeseksa m'a apkeletsapma axta. Mexnekxók sa' chá'a énxet'ák apagkok, megkólxátekhásekxék sa' nahan chá'a kaxwók keso xapop, keso apyetnamakxa nak.

Ezequiel 31:14

Megkawegqagkek agko' sa' chá'a kaxwók xama yámet enxoho, megkeyxek sa' chá'a émha m'a neyáwa yegmen, megkaltekxekwomók sa' chá'a kaxwók naw'ék ma'a yaphope, megkeyxek sa' ektaqmalma kélyássáseyak, megkawegqagkek agko' sa' nahan chá'a kaxwo'. Kelxénamaxcheyk kaletsapok ekyókxoho xa, kalweywagkok se'e kóneg xapop kañók agko' nak nélwanmégkaxa tén han kapáxaqwók ma'a aphagwayam nak ma'a kañe' takhaxpop.

Job 22:13

Apxeyenmeyk xép méteya m'a Dios, apxeyenmeyk ektawassáseykencha'a apmáheyo ékpelkohok ma'a yaphope ekyentaxno nak, mopwanchek xép exének méteya m'a Dios, hakte apweynchámeykha m'a néten nak.

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.