Amós 6:4 - Biblia Enxet

⁴ Kélheykegkek aqsa m'a néten taháno éltaqmalma élánamáxche nak yánnapóxeg apma'ák kélnáxegkáseykha, kólhagkok chá'a m'a néten nak ekpayhakxa, neyseksa kéllánéyak kélessawássessamo; kóltawagkok chá'a m'a nepkések apketkók apnaqmele, tén han ma'a weyke étkók;

Amós 6:4 Referans Kwoze

Amós 3:12

Aptáhak Wesse' egegkok se'e: “Sa' etnehek elxeganmok elwagkasakpok teyp israelitas apheykha nak Samaria m'a aptémakxal'a keláneykha nepkések elhaxyawássessekxak ánet apyay'ák nepkések essenhan naw'a apeykok awáxok ma'a méwa, cham'a énxet'ák apheykegko nak chá'a taháno élyawe éltaqmalma m'a tegma apwányam nak Damasco.”

Isaías 22:13

Xénchek axta eyke aqsa kélwáxok kéxegke kólneywagkok tén han kalpayhekxak kélwáxok, kólnápok ma'a weyke tén han nepkések, kóltawagkok ma'a ápetek, kólyenagkok nahan ma'a vino. “Antawagkok, agyenagkok, hakte saka sa' óletsapok” —axta kéltáhak.

Salmos 73:7

apnaqmelayak apagko', máheyók kalnextog apaqta'ák, xámok agko' élxéneykha apkelwáxok elanagkok aqsok ekmaso.

Ester 1:6

Kélchexnágkek axta nahan apáwa napwe'ék apkelexyawáyo apkelmope tén han apkelyápaqmate m'a neyáwa nak kélhaxta, kélnaqtete axta chá'a apxát'ák ma'a apáwa apkeláxñe hómáyok, kélatcheséyak axta m'a sawo élyaqye élmope éltaqmalma nak, kélnaqtete axta m'a meteymog élámha éltaqmalma élpaxqamáxche nak ektáxama élyápaqmate. Kélnegkenágkek axta nahan taháno élwenaqte sawo ekyátekto ekmomnáwa tén han ma'a sawo ekmope ekmomnáwa nak. Keñe m'a náxop nak kélnegkenágko meteymog élpayhe élexyawáyo, tén han ma'a ekhól'a yálqe' apwáxok élyenméyak, tén han ma'a meteymog élyennaqtél'a élyenma élmope tén han élpésyam.

Jeremías 16:8

“Ná etaxnegwom han xama tegma élánéxchexa enxoho ektámáxche ekyawe, yaqwayam enxoho etwohok xamók apto m'a énxet'ák, tén han ének xamók ma'a apyenéyak nak.

Ezequiel 16:49

Keso ektémakxa nak megkay'assáxma yáxeg Sodoma s'e: eyeymáxkoho yetlo étchek, xámok ektéyak, tásek nahan ekheykha, makke kapasmok xama enxoho m'a énxet'ák apkelmopyóseka nak tén han ma'a ekha nak chá'a eyeyméxchexa aqsok ma'a apxagkok.

Ezequiel 23:41

háha axta néten kélyetnamakxa néten ektaqmalma agko', penchásegkek axta nahan eknegkenéyak nento m'a néten mésa, negkenágkek axta nahan aqsok ekmátsa agko' la'a ekpaqneyam éten agkok ma'a néten nak tén han ma'a pexmok égmenek ahagkok, sélméssamo nak chá'a ko'o.

Amós 8:3

Kéllekxagweykha sa' katnekxak élmeneykmasamáxchexa nak chá'a tegma apyawe xa ekhem nak. Apxámok sa' énxet eletsapok, kalwanagkohok sa' aqsa exma kólchexák yókxexma m'a aphopák nak. Wesse' egegkok apxeyenma xa.

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Génesis 37:25

keñe axta apheyncha'a aptókagko aptéyak. Pelakkassek axta han apkelwet'a apkelxegakmo apkeleyweykekxa m'a ismaelitas, apkeleñama m'a Galaad, yetlo apkelpátegkesso axta han yányátnáxeg ma'a sokmátsa, tén han ma'a ekyókxoho élátsessamo nak élpaqneyam aqsok, yaqwayam elsakxak ma'a Egipto.

Isaías 28:1

¡Samaria laye, eyaqheykencha'a nak chá'a apwáxok ma'a Efraín, apteméssessama nak chá'a néten agko' ektaqmalma, apheykegkaxa nak ma'a énxet'ák anmen át'ák; élyamaka nak kaxwók kélnáxegkáseykha m'a pánaqte exnók, ekyetnama nak néten egkexe, néten nak ma'a xapop ekyapwate ektaqmalma, tegma apwányam élnápeykegkaxa nak vino m'a énxet!