Amós 5:19 - Biblia Enxet

¹⁹ Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.

Amós 5:19 Referans Kwoze

Deuteronomio 32:24

eletsapok sa' meyk élnapma tén han negmasse; kamasséssók sa' negmasse ekmáske nak hentéhek; wahak sa' ko'o m'a aqsok nawha'ák éllo élleykha nak naxma tén han ma'a yéwa ekmáske nak hentakxek.

Eclesiastés 10:8

Énxet apmeta nak máxek, etyemekxohok chá'a apagko'. Énxet appáxqatma nak tegma kélhaxtegkesso, yéwa chá'a katakxek.

Josué 10:18

Tén axta Josué aptáha apkeláneya s'e: “Kólyegák sa' meteymog ekweykmoho m'a átog nak keñe sa' kólápekxa', tén sa' han kólának yaqnaha aptaqmelchesso m'a nentaxnamakxa nak yaqwayam elanha.

Isaías 10:2

megkóltaqmelchessáseykekxa nak apheykha m'a énxet'ák apkelyelqamákpoho nak, tén han megkóllányo nak ektémakxa apheykha m'a énxet'ák ahagkok meyke nak aqsok apagkok, kélnaqtawáseykegkoho nak chá'a m'a xentampe'e nak, tén han kélmenyexcháseyak nak chá'a aqsok agkok ma'a élyeheykha nak!

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?