Amós 5:16 - Biblia Enxet16 Aptáhak Wesse' egegkok, Dios ekha nak apyennaqte s'e: “Kañexchek sa' kéllekxagweykha m'a ekyókxoho apkelweynchámeykegkaxa nak chá'a énxet'ák, katyapok sa' élpayheykha kélatña'ák kéllegeykegkoho ekmáske m'a ekyókxoho ámay nak. Kólwónmakha sa' yaqwayam ellekxagwaha m'a énxet'ák apkeltamheykha nak yókxexma, tén han ma'a apmopwancha'a nak ellekxagwaha. Gade chapit la |
“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.
Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”
Kéllekxagweykegkaxa eñama apkeletsapma énxet sa' atnessásekxak ma'a ekhem kélessawassessamókxa nak chá'a, keñe sa' kélmeneykmasso katnekxak ma'a senlapweykenxa; wának sa' ko'o kólántaxnekxak kéxegke m'a apáwa sẽlwáxaqxamo nak, tén han kólmopaksohok kélyese magkenatchesso éllapwámegko. Máxa sa' kóltéhek kóllekxagwaha m'a aptémól'a énxet elekxagwaha exyánegkesek apketche apteme nak wánxa xama apagko', kélyókxoho sa' kalyélaqtések kéllegeykegkoho ekmáske.
Aptáxéssessek axta han Jeremías xama amya'a ekxeyenma nak senlapwayam, weykmók makham se'e negwánxa, élxeyenweykekxoho chá'a apkelwáxok apkelmeneykmasso, tén han kelán'a élmeneykmasso m'a Josías, negmeneykmasso ekxeyenma nak senlapwayam. Élmeneykmásamáxche han temék Israel xa negmeneykmasso nak, naqtáxésamaxcheyk han ma'a eknaqtáxésamaxchexa nak xa negmeneykmasso nak.