Amós 3:6 - Biblia Enxet

⁶ páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Amós 3:6 Referans Kwoze

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Sofonías 1:16

ekhem kélpáwassamakxa kélaqkahasso tén han kélpáxameykha kélchetámeyak ma'a tegma apkelyawe apkelyennaqte nak tén han ma'a tegma apkelwenaqte apagkok nak.

Génesis 50:20

Xeyenmeyk axta kéxegke kélwáxok hélteméssessamhok exma ekmaso, keñe Dios aptemessásekxo ektaqmela m'a aqsok ekmaso nak, yaqwayam enxoho alának se'e kélwet'a nak kaxwo': yaqwayam alwagkasek teyp apxámokma apagko' énxet'ák.

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.

Jeremías 4:5

“Kóllegés Jerusalén tén han Judá s'e. Kólpáwes kélaqkahasso kóltennaksek ekyókxoho apchókxa, nágkólésagkoho kóltéhek kélpeywa s'e: ¡Kólchexyem! ¡Agaqnekxak sa'! ¡Ólmeyekxak sa' ma'a tegma apkelyawe ekyennaqte nak kélhaxtegkáséyak nepyáwa'!’

Ezequiel 33:3

Apwet'ak agkok yágketchessak sẽlpextétamo apkelenmexma apchókxa xa énxet apkelhaxneykha nak, epáwaksek ma'a apchaqkahasso keñe eltennasagkok nahan ma'a énxet'ák.

Jeremías 10:7

¿Yaqsa megkakyek xép, Wesse' apwányam apagkok nak pók aptémakxa énxet'ák? Payhawók xép yeykpok. Méko ekhawo exchep nepyeseksa m'a apkelya'áseykegkoho nak aqsok, tén han kelwesse'e apkelwányam nak keso nélwanmeygkaxa.

Oseas 5:8

¡Kólpáwes sa' kélaqkahasso aqsok egkepetek ma'a Guibeá, kélpáwassamól'a chá'a kempakhakma, kólpáwes kélaqkahasso m'a Ramá! ¡kólána elanagkokxak aptamhágkaxa m'a Bet-avén! ¡Kólteméssesha sa' apkelwáxok ma'a énxet'ák Benjamín!

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Amós 3:5

teyekmek agkok náxop xama náta, kelhanma eyke egmak, nextegkek agkok néten kelhanma, xama aqsok akke egmak,

Zacarías 8:10

Hakte cháxa ekhem nak, méko axta kélyánmagkasso ekyánmaga apkeltamheykha m'a énxet'ák tén han ma'a aqsok kélnaqtósso kélméssamo nak chá'a éltamheykha. Méko axta nahan ektaqmalma apheykha énxet'ák ektáha axta apheykha m'a, eñama m'a katnaha nak apnámakkok; ekméssegkek axta nahan ko'o yaqwayam elenmexakpekxak chá'a m'a énxet'ák.

2 Reyes 6:33

Neyseksa apkelpaqhetchesso axta apwa'a kélásenneykha m'a aphakxa nak Eliseo. Aptáhak axta apcháneya: —Wesse' egegkok keñamak senteméssesso negko'o s'e aqsok ekmaso nak, ¡kaqhok ko'o aleyxek elának mók aqsok ma'a!